媽咪姐手帳
無綫小生馬國明入行咁多年冇乜負面新聞，最多都係同曾華倩傳姊弟戀。形象健康嘅佢，近年深得廣告客戶愛戴。收得錢做代言人，馬國明亦出盡200分力去做。
就最近咋嘛，媽咪姐入無綫探朋友，經過餐廳時俾一個橙色膠袋吸引住，望真啲，上面印有電視熱播嘅家電廣告Logo，而膠袋主人，正正就係呢個廣告嘅代言人馬國明。當時佢同朋友喺餐廳傾緊偈，身邊就放住大大個膠袋賣廣告。其實TVB都有locker提供俾藝人，但馬國明寧願拎住個膠袋四圍走，就知佢有幾撐自己代言嘅品牌啦！ ####
我真係好使好用㗎！（設計對白）
馬國明同朋友約喺餐廳見面，唔單止帶住品牌膠袋四圍走，仲刻意將佢放喺自己個袋前面，賣廣告賣到出面。
近日呢個廣告，電視又見，巴士又有，日見夜見絕對幫馬國明提升唔少人氣。
馬國明真係好撐自己品牌，上一年品牌開旗艦店，佢着靚靚同楊怡主持開幕。
846期
