媽咪姐手帳
做得超模，當然唔會淨係行貓步、影靚相咁簡單啦。起居定時、食得健康，咁皮膚同身形至保持得好。Amanda S.就係最佳示範。
早兩日，媽咪姐喺ifc撞見巡完舖嘅Amanda。當日佢同朋友去醫肚，兩個女仔先食咗一盤蔬菜沙律咁大把，仲要一啲肉都冇，寡到媽咪姐都頂唔順。
不過聽啲90後講，呢種飲食習慣原來好流行。除咗食新鮮蔬菜生果，有啲人甚至用大馬力嘅攪拌機，將有機蔬果，連皮連心打碎嚟飲。聽聞對身體非常好，唔止可以保健，仲可以醫病。對於結婚冇耐、計劃生BB嘅Amanda，真係一個好好嘅調理方法。不過我哋中國人興及時進補，佢食得咁齋，夠唔夠營養㗎？ ####
Amanda同女性友人行街，佢一身藍色衫襯上奇怪白帽，造型一啲都唔似超模。
Honey，你真係齋得有道理。（設計對白）
使乜講！（設計對白）
Amanda啱啱喺ifc開咗間餅舖，佢當日亦有巡視業務，同店員嗲咗陣。
後來佢同朋友一齊食沙律，沙律內一粒肉都冇，齋到暈。
846期
