名氣街
BB便秘問題一直困擾不少家長，坊間更普遍認為奶粉是導致BB便秘的元兇。前年誕下一子，有「恒生新抱」之稱，恒生銀行後人何乃斌太太何倍倩（Anina），就沒有「BB便秘」這個煩惱。事關她學得一套親子按摩法，晚晚做囝囝禦用按摩師，只要於BB肚腹上順時針打圈三十秒，就能令BB腸胃健康。
有奶粉商睇中她這門「手藝」，邀請她拍攝五百元一罐的高檔奶粉廣告，Anina說：「想俾其他媽咪知道按摩嘅重要，廣告酬勞係其次。」
何倍倩前年還佗着囝囝Lawrence時，身邊不少名太就經常提醒她留意BB便秘的情況。為了正視這個問題，Anina除了嚴選奶粉外，在Lawrence出世三個月後，便參加親子按摩班。
順時針打圈
防囝囝便秘的第一步，就是要每晚為他按摩肚仔，讓囝囝的大腸靈活蠕動，Anina說：「依家成日講BB有冇便便，其實幫佢按摩下個肚仔，就可以幫助消化，防止便秘。順時針喺肚仔上面打圈三十秒就得，但一定要輕輕力，每次按囝囝個肚仔，佢一定好開心咁望住我笑。每晚同佢按摩嗰陣，都會乖乖瞓喺度唔鬱，我好似做咗佢個按摩師咁。」其實按摩除令BB腸胃
暢通外，Anina認為藉此可以加深BB對自己印象，「按摩係個親子活動，促進大家嘅感情，有時幫佢按面仔嘅時候，佢會眼定定望住我講嘢，感覺好close。」她更透露試過用此方法，令囝囝減少哭泣次數，「BB焦慮容易喊，按摩會令佢增加安全感。可以令佢情緒穩定啲。我發覺我幫囝囝按摩之後，佢冇咁容易受驚，都少咗喊。」
按手學數字
何指出按摩手仔有助淋巴系統循環，「按手仔可以用扭毛巾方法，輕按摩到腋下，之後按吓手指頭（小圖），邊按邊讀一至十，令BB學到數字。」
按腳助行路
按摩BB腳部，猶如幫他做運動。「幫BB按摩腳仔，有助肌肉發達，對學行好有幫助。可以用拉提或扭毛巾方式，由小腿到大腿內側淋巴位置，之後再按腳趾。」
按肚驅肚風
按摩肚仔可以促進腸臟蠕動，預防便秘。「按肚仔除咗直掃同橫掃嘅方法，仲可以喺肚仔順時針打圈，驅肚風，幫助消化。」
＊按摩小貼士＊
1 室溫要24至26度
2 BB食完奶一小時後才按摩
3 用橄欖油或食用油按摩
為囝囝做代理
現時Lawrence已兩歲，不過她湊仔一向不假手於人，堅持親自帶囝囝返playgroup。從事美容生意的她，更安排黃昏前放工，爭取與家人相處的時間。
除了親子按摩，Anina對護膚美學亦特別講究，擔心其他護膚品會令囝囝敏感，索性引入美國有機嬰兒護膚品牌Noodle & Boo，讓他享用無添加產品。「BB護膚品唔同成人，唔使美白、抗衰老咁，最緊要夠天然，有滋潤補濕功效。依家啲媽咪要求愈嚟愈高，而市面上出名嘅BB護膚品牌選擇唔多，最後決定自己代理一條Line，可以俾自己BB用，都算係送俾佢嘅第一份禮物。」 ####
何倍倩按摩手法純熟，上月22日，拍攝廣告時，與model BB女熱身後，即場示範按背，半歲混血model BB非常受落。
何倍倩與何乃斌結婚6年，育有一子，正計劃追多個女，她說：「依家隨時準備㗎喇，希望盡快有好消息。」
何倍倩甚少接拍廣告，當日就用了六小時拍廣告，「廣告商嘅目標消費者係肯使錢嘅working mum，所以揀咗我拍。」
喜歡小朋友的何倍倩，補妝期間亦母性大發，抱住model BB唔放手。
早前，一向低調的徐子淇為撐老友何倍倩，出席代理的嬰兒護膚品發布會。圖片
出身於美容家族的何倍倩，選購BB護膚品亦甚為嚴謹，「俾BB用嘅護膚品最緊要天然，有機為佳，買嗰陣要睇睇成分，唔可以有礦物油、香料等。」
846期
