媽咪姐手帳
08年《畫皮》喺大陸大賣，票房超過2億人民幣。食過翻尋味！導演陳嘉上3年後，拍續集《畫壁》，套戲啱啱已喺內地上咗畫，香港亦好快會上。但上集嗰兩位女主角周迅同趙薇只客串做仙女，反而「掌門人」曾志偉就加入咗喎！
媽咪姐率先睇咗香港嘅首映，原來志偉飾演嘅高僧一直深愛戲入面嘅姑姑（國內演員閆妮飾演），由於放唔低所愛，仲一直都成唔到佛。睇戲期間，戲院入面有唔少少女竟然俾志偉嘅情深，感動到喊㖭，真係估佢唔到！ ####
飾演高僧嘅曾志偉，對飾演姑姑嘅閆妮一往情深，加埋一對長壽耳，好有龜仙人feel啫！
閆妮
今次嘅服裝同《畫皮》一樣，再次由金像獎服裝設計師吳寶玲（Bo Bo姐）負責。志偉有一對價值5萬人仔、由龜膠做成嘅長壽耳仔，每次拍攝前，都要預早兩個鐘入化妝間準備。
上集趙薇同周迅鬥好戲，今集兩位阿姐都俾面客串。想再睇真啲，可以揭去下一頁，仲有趙薇「香港自由行」。
846期
