媽咪姐手帳
台灣電影《賽德克．巴萊》喺今屆金馬獎入圍11項提名，真係唔講得笑。早前電影就搞咗個慶功宴，幾乎全部演員都有出席，當然唔少得女主角徐若瑄同溫嵐啦。
呢兩位阿姐真係處處鬥心機。之前鬥性感，估唔到今次又有新招——鬥「臭」。話說當兩人站台時，拖曬手扮好姊妹，徐若瑄突然用手抰吓個鼻，暗示有人放臭屁。企喺隔籬嘅溫嵐豈能孭「黑鑊」，即打蛇隨棍上，亦跟住揞鼻，佢嘅表情比徐若瑄更誇張，擺明臭屁唔關我事外，仲暗諷有人出招搶鏡。果然高手。 ####
好臭呀﹗（設計對白）
臭味哪裏來？（設計對白）
徐若瑄（左）同溫嵐（右）開拖前，拖曬手扮friend，之後徐出招扮聞到臭味；溫嵐即借力打力跟住揞鼻，表示亦聞到。台灣圖片
徐若瑄（左）同溫嵐（右）繼喺康城一鬥之後，跟住喺電影記者會再度交手。可惜兩仗徐若瑄都係輸家。
其後溫嵐更誇張到不斷做出閉氣動作，徐若瑄招架乏力。果然溫嵐一出手，便知有沒有。
係㗎，女人鬥起上嚟，叻過諸葛亮多多聲呀！
846期
