[壹周刊第1127期]探熱針 《金枝 2》洗牌 林保怡張可頤冇得留低
第 1127 期 香港壹週刊
[壹周刊第1127期]探熱針 台灣闊少悔婚 朱慧敏速上 EO2 Eddie
[壹周刊第1127期]同你吟一吟 胡杏兒蛇王監視黃宗澤
[壹周刊第1127期]同你吟一吟 鄧萃雯歸位派定心丸
[壹周刊第1127期]同你吟一吟 《法證先鋒 III》綠葉大曬冷
[壹周刊第1127期]探熱針 還拖截胡 殼王召李克勤返無綫
[壹周刊第1127期]自取滅亡 爆樂易玲愛將大鑊 周永恒秋後算帳被炒
[壹周刊第1127期]壹人壹句 壹人壹句
[壹周刊第1127期]本週生肖運程
[壹周刊第1127期]星座 常見之毛病 天秤座
[壹周刊第1127期]探熱針 《金枝 2》洗牌 林保怡張可頤冇得留低
電視茉莉花革命，無綫立立亂，加上「城市電訊」主席王維基趁亂挖角，無綫積極加薪留人，打鑼急開○四年經典劇《金枝慾孽》續集挽聲勢。監製戚其義碌盡人情牌，保住原班陣容，由陳豪、鄧萃雯、佘詩曼及新加入蔡少芬做膽，不過，在第一集結果中箭負傷逃離紫禁城，跟陳豪有感情發展的張可頤，卻因脾氣臭得罪人多，被舊班底嫌棄飛出局，至於近年搵慣「人仔」的林保怡，亦玩嘢開出收二十萬一集，戚其義無能為力，唯有同二人講拜拜。
臭脾氣捱打
做好準備，迎接明年免費電視大戰，無綫週一晚（十月十日）高調為來年重頭劇《金枝 2》拍宣傳片。黃昏六點，陳豪，鄧萃雯，蔡少芬，苟芸慧等準時出現將軍澳電視城化妝間；七點半，大家陸續入廠，但被誠邀回巢救亡的鄧萃雯，卻因為人手不足，遲遲未分配到人為她化妝梳頭，呆等個多小時，令如妃面都黑埋。
受命打硬仗，監製戚其義為開續集碌盡人情牌，除了阿佘身在外地開工，趕不及歸隊外，在宣傳片中出現的演員十居其九都是新一集的陣容，黎姿嫁人唔撈，生完的蔡少芬入局，但同是第一集女主角張可頤，卻因當年扮阿姐得罪人多，被飛出局。
「當時幾個女仔都好想突出自己，但俾人讚好戲 嘅可頤直情當正自己係阿姐，成日教其他人做戲，最難頂係佢少少嘢都睇唔過眼，即刻黑面，好似大家一齊等埋位，佢唔鍾意就發脾氣，搞到啲氣氛好差，連阿戚都覺得佢麻煩，所以今次拍續集，亦一早決定唔用佢。」一名工作人員說。
蔡少芬雖然話未正式落實係咪演出，不過鄧萃雯就早已爆響口話度期同阿戚合作《金枝 2》。
《金枝 2》連續兩晚拍巡禮宣傳片，知道要拍通宵，在第二晚出現的陳豪已經有所準備，帶定私家茶提神。
《金枝》第一集，張可頤中箭唔死，林保怡亦未見全屍，個故事雖然有得發展，不過阿戚決定兩個冇得留低。
獅子開大口
叮走張可頤，對身價突然狂飆到一集收二十萬，一個崩都唔肯減的林保怡，戚其義亦唔再留戀。
「佢（林保怡）當正自己拍緊大陸劇，竟然開二十萬一集，如果《金枝 2》拍三十集，單係佢 嘅酬勞就要六百萬，無綫邊可能會出到咁 嘅價。其實保怡冇理由唔清楚公司 嘅作風，咁玩嘢法，都係要無綫死咗條心，唔好再搵佢。」
無彎轉，仍在修訂劇本的戚其義索性作出改動，將戲份加到自己友黃德斌身上，唔阻林保怡發達。
有指阿佘轉戰內地搵真銀後，接拍港劇已經興趣不大，加上《金枝 2》劇本未出，阿佘回娘家助陣機會仍是五五波。
監製阿戚跟黃德斌合作過多部電視劇，今次阿戚捧聽話自己友亦順理成章。
黎姿嫁人做富貴馬太後，既要照顧孖女，又要睇住細佬，冇可能再復出拍續集。
阿戚有自己慣性班底，不過跟張可頤合作過《金枝慾孽》嫌對方麻煩，已經冇咗合作，○九年拍《天與地》大製作時，除張可頤外，舊班底都有得留低。
全國冠軍
04年《金枝慾孽》
04年推出的經典劇《金枝慾孽》，收視平均高企 32.5點，大結局更創下 41點成績，成為當年收視之冠。《金枝慾孽》不但獲選為當年最佳劇集，更橫掃 04年度《萬千星輝頒獎典禮》多個獎項，林保怡、黎姿雙雙封視帝視後，陳鴻烈、鄧萃雯亦奪最佳男女配角。此外，亦獲港台頒發「電視欣賞指數」最佳電視節目第三位，足見其受歡迎程度。
06年《金枝慾孽》於湖南 衞視播放，更成為全國收視冠軍，帶挈一眾演員知名度急升，頻頻返內地搵真銀， TVB早前在深夜時段翻炒重播，亦吸引大批電視迷唔瞓煲劇。
06年《金枝慾孽》於湖南 衞視播放，更成為全國收視冠軍，帶挈一眾演員知名度急升，頻頻返內地搵真銀， TVB早前在深夜時段翻炒重播，亦吸引大批電視迷唔瞓煲劇。
撰文、攝影：娛樂組
第 1127 期 香港壹週刊
娛樂名人
娛頭 獨家 認「接觸」$600 Jessica C.盜竊口供曝光
探熱針 台灣闊少悔婚 朱慧敏速上EO2 Eddie
豪語錄 古惑仔之戰爭與和平 牛佬
同你吟一吟 胡杏兒蛇王監視黃宗澤
同你吟一吟 鄧萃雯歸位派定心丸
同你吟一吟 楊千嬅破戒隊番杯
同你吟一吟 白龍王唔吼 劉嘉玲瞓身大寶法王
同你吟一吟 梅媽母子浪費警力
同你吟一吟 何韻詩賣限量膠寶玉
同你吟一吟 許冠文陪老婆歎紅酒
同你吟一吟 《法證先鋒III》綠葉大曬冷
同你吟一吟 容Joey肉罷不能
同你吟一吟 楊小娟黃金週做領隊
探熱針 小斌女箝張敬軒同居
探熱針 還拖截胡 殼王召李克勤返無綫
探熱針 《金枝2》洗牌 林保怡張可頤冇得留低
有對手 北京老細掟錢力追 周秀娜來者不拒
紅館睇騷 古巨基曬料玩嘢
自取滅亡 爆樂易玲愛將大鑊 周永恒秋後算帳被炒
國台扮 白歆惠隋棠 7年之癢
國台扮 齊秦赴美養傷
國台扮 何潤東深藏不露
新女上場 攞苦嚟辛 陳鈺芸
社交圈 少見多怪
社交圈 鬥索
名氣生活 奇華後人黃嘉傑學做真男人
名氣生活 陳慧琳父親新牌仔
優質生活
圖片故事 猴硐貓出沒
飲食直擊 墮入脂肪陷阱
頭號醫療 標靶藥新任務 釘死奇難雜症
親壹親 精叻小廚神 入廚有條理
壹號幹線 最真最大最強 平治C 63 AMG Coupe
專欄
壹人壹句 壹人壹句
壹週報 壹週報 尊子
無定向風 競爭與浪費 楊懷康
坐看雲起時 說「文人風骨」 陶傑
壹樂也 AMANDA S 的婚禮 蔡瀾
潑墨 有人為他 「心碎」與「斷腸」…… 李碧華
事實與偏見 流動電訊世界（一） 黎智英
香江不平這處鳴 我要做忠僕 李柱銘
hotpot
熱話題 小學時代
外太空 AV女優搞嬲全世界
外太空 解構葡萄
登機證 Party All The Time Barcelona
太爛玩 運動不再悶
常餐以外 滾起大海【一人一鍋滾北海道活蟹】
常餐以外 滾起大海【老闆潛水捉螺烚出奇鮮】
常餐以外 滾起大海【本地海魚滾出即日鮮】
常餐以外 滾起大海【無味精東南亞滋味湯底】
試食王 保住一粒星？
未能食素 壽司廣 蔡瀾
寵物家 又養貓狗又湊女
今日開畫 戀搞好朋友 Friends With Benefits
私口味 鐵甲鋼拳
踏上成功路 講解同性戀——黑街人妖 林燕妮
星星知你心 走佬閃婚娘
本週生肖運程 鼠
星座 常見之毛病 天秤座
[壹周刊第1127期]探熱針 台灣闊少悔婚 朱慧敏速上 EO2 Eddie
9:00pm
之後朱慧敏在冰室樓上的 VIP房打躉四粒鐘，由天光等到天黑，就係為陪 Eddie收鋪，然後一齊去灣仔撐 枱腳。
六年前經歷「車震」教訓後，朱慧敏的感情生活氹氹轉，直至 09年跟在台灣做 IT生意的億萬男友 Rick Chang拍拖，朱慧敏高調宣示自己有人要，去年更公開透露隨時嫁。以為今鋪上到岸，豈料異地戀又告吹，今年六月，異地情轉淡，朱慧敏遭有米男友悔婚，分手收場。
再次受創，但朱慧敏火速跟前度身家相差一大截、華星冰室老闆 EO2的 Eddie拍拖。有指 Eddie等了兩年，才成功打動女方。男友夠曬耐性，難怪朱慧敏呆坐茶餐廳四粒鐘，等 Eddie收鋪，一樣甘心命抵。
呆等四粒鐘
降呢同 Eddie的朱慧敏，唔使開工就落男友位於箕箕灣的「華星冰室」打躉，由五點幾到晚上近九點，等足四個鐘陪男友收鋪，毫無怨言。之後拍拖到灣仔船街一間上樓意大利餐廳撐 枱腳，食到十一點半，因發現記者，朱慧敏由餐廳後門鬆人， Eddie則行正門離開。
同台灣闊少拍拖玩高調，但對於新戀情，朱慧敏卻一反常態。 Eddie亦配合女友，高度戒備。上週三（十月五日）， Eddie駕車到上環接完朱慧敏，再去火炭單車鋪買零件，之後原本往大埔區駛去，發現被跟蹤，即極速掉頭撇記者。
1/10 5:00pm密會
當日下晝朱慧敏專登走去筲箕灣東大街華星冰室陪男友 Eddie。但一見女友現身， Eddie開心到上前迎接佢。
二人準備上車時， Eddie一度折返鋪頭攞嘢，站在車旁的朱慧敏又繼續等，難得依然笑容滿面，同男友一樣咁等得。
由冰室出發去灣仔上樓的意大利餐廳，二人都係孖住行。直至發現記者跟蹤，怕戀情外洩的他倆才各自從前後門離開。
5/10 8:00pm
雖多番約會被揭破，但仍無損熱戀中的他們繼續見面。上周三， Eddie一收鋪便即揸車趕去上環接朱慧敏。
她的台灣有米男友 Rick Chang去年底從台灣飛來香港陪伴，雖有傳二人已分手半年，但朱慧敏至今仍住在貝沙灣豪宅。
吼住七年
朱慧敏與 Eddie本來大纜扯唔埋，但有指七年前 Eddie在電視城化妝間邂逅剛獲選港姐亞軍的朱慧敏，便膽粗粗上前主動攞電話，從此展開交往。「當時 Eddie只係靠 EO2接騷，搵朝唔得晚，人 哋就係新鮮出爐港姐，所以佢夠膽問人攞電話，但就唔夠膽追人。」知情者說。
對朱慧敏流曬口水， Eddie卻忍足七年，耐力驚人。
「○九年 Eddie同拍拖五年 嘅圈外女友分手，但 Queenie同 Rick一齊，佢咪好似癡男咁繼續等囉！ Eddie個樣好花弗，但查實好奄尖，佢好鍾意 Queenie性格開朗，覺得呢個女仔好 啱自己，半年前一知『女神』同台灣仔甩拖， Eddie就發力。其實 Queenie都知 Eddie一直好 like佢！」
朱慧敏與 Eddie本來大纜扯唔埋，但有指七年前 Eddie在電視城化妝間邂逅剛獲選港姐亞軍的朱慧敏，便膽粗粗上前主動攞電話，從此展開交往。「當時 Eddie只係靠 EO2接騷，搵朝唔得晚，人 哋就係新鮮出爐港姐，所以佢夠膽問人攞電話，但就唔夠膽追人。」知情者說。
對朱慧敏流曬口水， Eddie卻忍足七年，耐力驚人。
「○九年 Eddie同拍拖五年 嘅圈外女友分手，但 Queenie同 Rick一齊，佢咪好似癡男咁繼續等囉！ Eddie個樣好花弗，但查實好奄尖，佢好鍾意 Queenie性格開朗，覺得呢個女仔好 啱自己，半年前一知『女神』同台灣仔甩拖， Eddie就發力。其實 Queenie都知 Eddie一直好 like佢！」
今年八月 Eddie投資的華星冰室分店開張，老友楊千嬅及梁炳等撐場。而女友朱慧敏則故意待記者散 band後才到場。
發奮搵錢
半年前， Eddie除了落力追求朱慧敏，同時亦發力搞生意?銀，與經理人合資開冰室，黴星變老闆，只為向已屆廿九歲的朱慧敏相信有「將來」。「 Eddie年幾前開始教跳舞，收入已經穩定好多，佢話自己三十三歲，想快 啲搵錢買樓，於是攞咗幾十萬積蓄，同朋友夾份開茶餐廳，佢日日落鋪，睇實盤生意。」
本週一（十日），記者踩落冰室搵 Eddie，對同朱慧敏撻著一事，他死口唔認。「我 哋仲係了解緊，未正式拍拖。我好驚你 哋篇報導出街會嚇親 Queenie，搞到佢唔敢見我就慘啦！」有關女友與台灣前度分手，他只不斷說：「佢 嘅 嘢你問番佢，我無 嘢講！」
至於朱慧敏，雖跟 Eddie一樣否認拍拖，但回應時前言不對後言。「我哋唔係拍拖！（記：但見到去鋪頭陪佢喎！）我去幫襯咋嘛！（記：坐咗四粒鐘喎！）嚇……我哋傾生意經之嘛（但你哋經常出雙入對！）其實係一大班人約會。（記：見親都係得你兩個。）......我怕人多！（前言不對後語）。」問她跟 Eddie有無發展機會，她一樣答得含糊：「我有咁多男性朋友，邊可以個個都諗！」
今年七月 Eddie為許志安個唱 Solo伴舞，朱慧敏扮得靚靚到後台為他打氣。
之後 Eddie載住女友去火炭的單車鋪買零件，再入大埔食飯。其間他發現記者即踩油掉頭，成功撇甩記者。
愛跑馬拉松及參加過鐵人賽的 Eddie，感染埋低運動量的朱慧敏愛踩單車。
阿倫教路
Eddie（彭懷安）早於 99年以組合 EO2成員身份出道，雖然好舞功，但近兩年卻無新作。幕前事業撈極唔起， EO2成員先後轉型開鋪做老闆。光頭 Eddie今年初亦加入行列，與經理人合資開茶餐廳，上至招呼，下至洗碗都落手落腳做。有人緣，開鋪以來，得圈中好友支持撐場，亦得校長阿倫教路，親自指導炮製黑松露芝士多士，命名「校長多士」作為茶餐廳招牌菜。
Eddie（彭懷安）早於 99年以組合 EO2成員身份出道，雖然好舞功，但近兩年卻無新作。幕前事業撈極唔起， EO2成員先後轉型開鋪做老闆。光頭 Eddie今年初亦加入行列，與經理人合資開茶餐廳，上至招呼，下至洗碗都落手落腳做。有人緣，開鋪以來，得圈中好友支持撐場，亦得校長阿倫教路，親自指導炮製黑松露芝士多士，命名「校長多士」作為茶餐廳招牌菜。
震後多人愛
現年 29歲的朱慧敏， 04年港姐亞軍。 05年與梁榮忠發生「車震」事件，一度令形象大跌，但努力洗底後，一雙媚眼加上身材好，令桃花越嚟越旺。
梁榮忠
05年與梁榮忠玩「車震」轟動一時，朱慧敏成為男方與鍾麗淇七年情破壞者，形象插水更被雪藏。事隔多年，朱慧敏一直未能洗脫「壞女人」形象。
戚其義
08年，有傳朱慧敏姣掂金牌監製戚其義，才可於大製作《珠光寶氣》演三姨太一角。其後戚監製開拍《飛女正傳》，朱慧敏亦即時「升呢」做第二女主角。
羅鎮嶽
09年有傳朱慧敏對《畢打自己人》已婚監製羅鎮嶽一樣唔放過，密密出招搏加戲份。
趙永洪
拍攝《畢打自己人》期間，朱慧敏被指與同劇的趙永洪撻著，甚至不介意在車廂當住男方換衫，豪放程度令人咋舌。
Rick Chang
去年中，有傳媒多次拍到朱慧敏飛台灣密會 33歲闊少 Rick Chang，同時亦踢爆男方攬嘴其他辣妹索女。戀情被揭發，朱慧敏在記者會上死撐與男友感情穩定。
撰文、攝影：娛樂組
[壹周刊第1127期]同你吟一吟 胡杏兒蛇王監視黃宗澤
3/10
黃宗澤耐不耐就會有緋聞傳出，胡杏兒叫記者幫手做天文台外，自己亦不為餘力，拍劇放食飯，由將軍澳電視城飛車出九龍城， ＊得就＊＊。
上個禮拜一（十月三日）台慶亮燈，胡杏兒、黃宗澤同場亮相，之後仲約埋一齊食飯。
當晚做完亮燈，黃宗澤揸車離開公司，同經理人以及《變身男女 chok chok chok》 嘅化妝師，一齊去九龍城禾牛薈開 VIP房打邊爐。個幾鐘頭後，胡杏兒揸七人車趕到。
食 咗個零鐘，胡杏兒第一個離開，仲同《壹》仔講：「我趕住返 TVB拍 嘢呀！拜拜！」十分鐘後，到黃宗澤，送完經理人去何文田，自己再揸車返火炭，即係俾人影到佢同胡杏兒樓上樓下同居 嘅愛巢。
呢排黃宗澤未有新劇開，無聊到上個星期三（五日）返公司睇《勁歌金曲》，反而胡杏兒拍完《玩樂無窮》，又夠鐘埋位同鄭嘉穎拍《怒火街頭Ⅱ》，趁放食飯，都要飛車出去九龍城陪嚇男朋友，分秒必爭！
黃宗澤送經理人返屋企，不過佢唔識路，要對方揸車，之後返火炭屋企，有《壹》仔沿途護航，夜蒲搵節目？ no啦！
唉，冇啖好食!
（設計想法）
一劇接一劇，每日 瞓到四個鐘都偷笑嘅胡杏兒買 咗架七人車，方便外景開工上車 瞓。
6/10
冇劇開，黃宗澤走去《勁歌金曲》錄影廠，睇蔡楓華唱歌。
5/10
撰文：八珍
[壹周刊第1127期]同你吟一吟 鄧萃雯歸位派定心丸
鄧萃雯、陳豪係《金枝》第一集演員，既然冇可能叫番馬太黎姿復出，由蔡少芬頂上。
下年香港會多三個免費電視台，無 綫要繼續做一哥，劇集質素自然唔可以馬虎，之前嗌曬話開拍《金枝慾孽Ⅱ》，但要睇如妃鄧萃雯肯唔肯返無 綫幫手打硬仗，星期一（十日），無 綫拍節目巡禮，鄧萃雯終於現身。
根據慣例，拍節目巡禮同正式開拍唔一定相同，但鄧萃雯就派曬定心丸：「 嚟得拍節目巡禮就會拍埋個劇 ?啦，除非公司唔要我 啫！」睇 嚟應該講掂曬數！
同場出現仲有蔡少芬，生完囡囡已經五個月，係時候開工搵奶粉錢，至於 響劇中會唔會同陳豪配成一對， Ada話未知，只係講笑話自己已經結婚生埋女，唔敢調戲陳豪喎！豪嫂，收到啦！
《金枝Ⅱ》未有正式演員陣容，但節目巡禮當日，就有葉翠翠（左）同苟芸慧。
陳豪配蔡少芬新鮮，好過繼續係佘詩曼， Ada仲話套劇要 響北京拍，到時帶埋個女一齊去開工。
撰文：八珍
[壹周刊第1127期]同你吟一吟 《法證先鋒 III》綠葉大曬冷
平均年齡 60
綠葉齊升呢，打頭陣出場介紹台慶劇，最敢言 嘅李國麟企中間，冇佢同王維基，大家都冇今日。
呢排無 綫俾王維基搞到七國咁亂，挖角潮最得益都係班綠葉演員，以前低薪爛做冇人理，加陣瘦田有人爭，地位都唔同曬。上個禮拜三（十月五日），台慶劇《法證先鋒 III》舉行記者會，無綫特別安排綠葉列陣，一字排開打頭陣出場，尤其係早排鬧無 綫係埃塞俄比亞難民營 嘅李國麟，除獲高層親自接見講數，當日更企正中間靚位做綠葉一哥，果然有「非士」。
甘草綠葉終於受到尊重，想當年都係三打七 嘅黎耀祥最有共鳴，今日貴為一線小生，又係冧莊視帝，問佢有冇信心今屆可以連中三元，祥仔講得坦白：「套劇五月先煞科，都冇諗住變台慶劇，本來對視帝冇咩期望，但家陣就多 咗五倍信心。」你咪話，八珍都有咁嘅感覺，今年視帝，唔係林峯、謝天華嘅念力大增。
其實吳卓羲仲有一位疑似緋聞情人馬賽，當日兩個完全冇埋身，馬賽出場更忘記戴黑超，失魂！
劇中另一對緋聞情侶仲有徐子珊同吳卓羲，最近男方 嘅國產女友張韾予逐步明朗化，徐子珊亦被傳同髮型師有戀情，吹水！
拍劇期間，陳茵媺同蕭正南傳緋聞，家陣女方已經名花有主，避忌啲好正常。
曾經都係小生花旦身邊綠葉 嘅黎耀祥，今日已經係兩屆視帝，師奶劇迷偶像，佢仲話有信心今屆連中三元，擺明唔怕大熱 嘅鄭嘉穎同謝天華。
撰文：八珍
[壹周刊第1127期]探熱針 還拖截胡 殼王召李克勤返無綫
一家三口行街，選擇人流一般的屋邨商場，低調家庭樂。
五大唱片因版稅問題與無綫反面，雙方糾纏至今仍未達成共識，為此，無綫契仔李克勤亦受牽連。過去兩年克勤守身如玉，堅拒亮相其他電視台，直至近日，克勤終於破戒，以八百萬身價，簽約 Now做歐洲國家盃大使，亮相講波。
Now成功簽到克勤做節目，但合約形式只限講波，跟克勤老友鬼鬼的無綫新主殼王陳國強，揚言要為克勤開一個新節目，只要對方答應，形式、嘉賓都由他全權話事，誓要在明年六月克勤過 Now之前，截對家胡。
守身兩年
早前李克勤正式簽約 Now電視台，擔任明年六月歐洲國家盃大使，亮相講波一個月。無綫跟五大唱片為版稅問題反面，旗下全線歌手無法亮相無綫，即使無綫契仔亦不例外，但過去兩年，克勤依然無異心，堅拒出現其他電視台。
「克勤好堅持，佢成日話無綫幫咗自己好多，點都唔肯破壞雙方關係，唱片公司同經理人公司喺呢兩年都同佢討論過唔少次，想勸克勤上其他電視台宣傳，但佢通通拒絕。」克勤身邊人說。
克勤願意改變主意，除了八百萬講波可觀酬金夠吸引，何麗全亦是一大關鍵。
早前克勤趁住放假，陪老婆、大仔 Ryan及親友到將軍澳厚德商場 shopping，兼到冒險樂園玩。
臨走時，盧淑儀一直照顧同行的父母，為食的 Ryan則食住蝦條乖乖跟在後面。
睇定嚟食
「何麗全由無綫過檔 Now之後，一直遊說克勤幫手做節目，何生當然明白克勤對無綫一條心，要打動對方絕唔易，所以『睇啱嚟食』，好似今次做歐洲國家盃主持，就開正克勤嗰瓣。雖然 Now出到八百萬請克勤，但其實之前有線都出過一千萬斟佢做世界盃主持，最後都唔成事，關鍵就在於何生呢張人情牌，條件誠意加埋友情，克勤都好難推啦！」
「何麗全由無綫過檔 Now之後，一直遊說克勤幫手做節目，何生當然明白克勤對無綫一條心，要打動對方絕唔易，所以『睇啱嚟食』，好似今次做歐洲國家盃主持，就開正克勤嗰瓣。雖然 Now出到八百萬請克勤，但其實之前有線都出過一千萬斟佢做世界盃主持，最後都唔成事，關鍵就在於何生呢張人情牌，條件誠意加埋友情，克勤都好難推啦！」
活潑好動的 Ryan經常紮紮跳，更拋下老豆箭步衝入玩具鋪。
盧淑儀在波鞋鋪左揀右揀，更拿著波鞋詢問售貨員意見。
幫手穀碟
終於得米， Now亦做足功夫，全面配合今個月底推出國語碟的克勤。
「幫手宣傳唱片也是考慮因素之一，克勤差唔多二十年無出國語碟，所以都好緊張，環球唱片今次好揼本做製作，克勤當然希望有完整嘅宣傳計劃去配合， Now嗰邊講明會有鋪天蓋地宣傳協助。點計 Now都係著數！一方面剃無綫眼眉，又唔使等到出年六月球賽開鑼，克勤已經不停上 Now嘅節目！」
終於得米， Now亦做足功夫，全面配合今個月底推出國語碟的克勤。
「幫手宣傳唱片也是考慮因素之一，克勤差唔多二十年無出國語碟，所以都好緊張，環球唱片今次好揼本做製作，克勤當然希望有完整嘅宣傳計劃去配合， Now嗰邊講明會有鋪天蓋地宣傳協助。點計 Now都係著數！一方面剃無綫眼眉，又唔使等到出年六月球賽開鑼，克勤已經不停上 Now嘅節目！」
何麗全自今年三月過檔 NOW出任首席副總裁後，便經常邀請克勤亮相 NOW節目，更將與好友阿倫、克勤等飯局的相片放上微博。
殼王陳國強入主無綫後，多次遊說克勤到無綫做主持，但身為「五大唱片」歌手的克勤身份尷尬，一直唔敢輕舉妄動。
左右為難
據了解，克勤與 Now所簽的主持合約，只限講波（歐洲國家盃），所以克勤仍可按不同形式，亮相其他電視台，與無綫的友好關係，絕非一刀切！
近日便有傳陳國強提議開新節目讓克勤孭飛，如果成事，節目形式和嘉賓都由克勤揸弗。
「殼王都唔止講咗一次，話隨時歡迎克勤上無綫節目，但克勤同環球唱片續咗約，手掌肉手背又係肉，幾方面都要照顧到，就算合作，都唔可以輕舉妄動。」克勤身邊人說。
據了解，克勤與 Now所簽的主持合約，只限講波（歐洲國家盃），所以克勤仍可按不同形式，亮相其他電視台，與無綫的友好關係，絕非一刀切！
近日便有傳陳國強提議開新節目讓克勤孭飛，如果成事，節目形式和嘉賓都由克勤揸弗。
「殼王都唔止講咗一次，話隨時歡迎克勤上無綫節目，但克勤同環球唱片續咗約，手掌肉手背又係肉，幾方面都要照顧到，就算合作，都唔可以輕舉妄動。」克勤身邊人說。
克勤與 NOW簽約為明年六月的歐洲國家盃擔任主持，克勤早前已為 NOW錄影了兩個節目，其中一個是接受好友梁榮忠的觀星台訪問。
NOW除了以八百萬天文數字力邀克勤亮相，更答應在他月底推出國語大碟時，全力替他宣傳，早前克勤開始為新歌拍攝 MV。
以往無綫直播世界盃，克勤例牌有份做主持，但「五大唱片風波」爆發，克勤不能亮相無綫，去年的世界盃也被踢出主持之列。
克勤倒戈無綫簽約 NOW做主持，他亦無奈表示：「我個仔俾我壓力，佢要食飯，要交學費。」
大條道理
「無綫契仔」李克勤，多年來守身如玉，只肯亮相無綫，事緣當年他處於事業低潮時，無綫照搵他拍劇、做主持，令他保持曝光，最終重新彈起，知遇之恩，克勤堅決效忠，大條道理。
拆招牌
克勤一向尊重跟無綫的合約精神，出席公開活動，都拒絕以廣東話接受有線訪問，並要求對方移走有線咪牌，直至近大半年，克勤的企硬態度才稍為軟化。
志雲飯局
「無綫契仔」李克勤，多年來守身如玉，只肯亮相無綫，事緣當年他處於事業低潮時，無綫照搵他拍劇、做主持，令他保持曝光，最終重新彈起，知遇之恩，克勤堅決效忠，大條道理。
拆招牌
克勤一向尊重跟無綫的合約精神，出席公開活動，都拒絕以廣東話接受有線訪問，並要求對方移走有線咪牌，直至近大半年，克勤的企硬態度才稍為軟化。
志雲飯局
06年 11月，克勤與盧淑儀拉埋天窗，婚前婚後，克勤兩度上《志雲飯局》接受陳志雲獨家專訪講結婚感受。
有錢唔賺
去年有線以 1000萬力邀克勤過檔做世界盃主持，但他一樣拒絕，錢都唔要。
拒現身亞視
「五大唱片」跟無綫決裂，一眾受影響歌手紛紛先後亮相亞視，張學友帶頭做亞視音樂節目，謝安琪與陳奕迅亦上亞視做專訪，環球大牌歌手中，唯獨克勤一直堅持。
大好友
克勤與「殼王」陳國強是多年老友，二人經常相約飯局打 golf，克勤結婚，「殼王」更送上百萬賀禮。
百萬賀結婚
06年克勤與盧淑儀結婚，「殼王」送上百萬，贊助新郎新娘等一行十五人，到英國影婚紗相，作為賀禮。
送讀書基金
克勤大仔 Ryan 07年出世，「殼王」即答應設立讀書基金，賀 Ryan出世。
自己友
「殼王」、克勤、陳百祥都係自己友，每年叻嫂黃杏秀生日，克勤必定拖埋太太，與「殼王」齊齊蒲頭。
打 golf
克勤、阿叻、「殼王」嗜好類近，經常相約到內地打高爾夫球。
撰文、攝影：娛樂組
[壹周刊第1127期]自取滅亡 爆樂易玲愛將大鑊 周永恒秋後算帳被炒
本週日(二日)，周永恒返教會時被追問無 綫炒魷一事，他直認是因挺身指證樂易玲愛將而遭受迫害。
曾經被控藏毒，判處感化令的周永恒，一度前路茫茫，○五年信耶穌後洗心革面，第二年以幕後人身份入職無 綫的子公司「 TVB Music」做音樂製作，並不時參與佈道會講見證，生活重回正軌。
數月前，周永恒忽然被無 綫以態度不合作為理由解僱，據了解，背後真正「死因」，與去年中他爆樂易玲愛將、「 TVB Music」的音樂總監鄧智偉大鑊，指對方數目不清有關，敢於「舉報」的周永恒，被秋後算賬。
包庇下屬
林峯唱片大賣，在慶功宴上樂易玲攬住幫他做唱片監製的愛將鄧智偉(左)影大合照。
與林峯分屬好友的鄧智偉，即使被周永恒「舉報」劣行，但因有高層包庇，繼續受器重，為無 綫的劇集作曲及任監製外，樂易玲更將他轉到自己管轄的藝員部，攬到實。反之，睇唔過眼要出聲的周永恒，則硬食
「炒魷」！
「鄧智偉係阿 Roy（周永恒）上司，但份人好忌才，見下面啲人嘅作品反應好，一係 ?，一係就改幾粒音，然後就加埋自己個名，當係兩個人作。無 綫作曲費三千蚊首歌，佢話咁易分人一半，連 CASH版權稅都分一份。阿 Roy同其他音樂人好似譚天樂、葉肇中，成日俾佢咁樣『食歌』，不過大家都知佢係樂小姐心腹，所以大多數人都忍，只係阿 Roy夠膽出聲。點知就咁俾人整走，都幾唔抵。」知情者說。
有利益衝突
記者向周永恒求證他被炒一事，他一臉無奈，但對因為挺身投訴鄧智偉，搞到工都無埋卻不感後悔。
「佢『食歌』係有咁 嘅事，而且經常發生，好唔尊重其他人。佢係音樂總監，有權揀用邊間錄音室，奇在外面有租金同價，但錄音設備更好 嘅錄音室佢唔揀，偏偏揀設施麻麻嘅 Six Studio嚟用，後來先知間 studio係鄧智偉嘅，雖然佢搵老友袁卓華出面，但行內人都知佢有份，咁即係左手俾右手， 啲數點開，唔使講啦，我亦唔方便講。
「我有勸過鄧智偉唔好咁做，但佢唔聽，我咪同佢上司樂易玲講囉，當時鄧智偉亦在場。點知樂小姐聽完講 咗句：『咁樣有問題咩？』我反問番佢：『咁樣都無問題咩？』佢無出聲，之後我就俾人雪藏，間 Six Studio亦即刻冚旗。」
「炒魷」！
「鄧智偉係阿 Roy（周永恒）上司，但份人好忌才，見下面啲人嘅作品反應好，一係 ?，一係就改幾粒音，然後就加埋自己個名，當係兩個人作。無 綫作曲費三千蚊首歌，佢話咁易分人一半，連 CASH版權稅都分一份。阿 Roy同其他音樂人好似譚天樂、葉肇中，成日俾佢咁樣『食歌』，不過大家都知佢係樂小姐心腹，所以大多數人都忍，只係阿 Roy夠膽出聲。點知就咁俾人整走，都幾唔抵。」知情者說。
有利益衝突
記者向周永恒求證他被炒一事，他一臉無奈，但對因為挺身投訴鄧智偉，搞到工都無埋卻不感後悔。
「佢『食歌』係有咁 嘅事，而且經常發生，好唔尊重其他人。佢係音樂總監，有權揀用邊間錄音室，奇在外面有租金同價，但錄音設備更好 嘅錄音室佢唔揀，偏偏揀設施麻麻嘅 Six Studio嚟用，後來先知間 studio係鄧智偉嘅，雖然佢搵老友袁卓華出面，但行內人都知佢有份，咁即係左手俾右手， 啲數點開，唔使講啦，我亦唔方便講。
「我有勸過鄧智偉唔好咁做，但佢唔聽，我咪同佢上司樂易玲講囉，當時鄧智偉亦在場。點知樂小姐聽完講 咗句：『咁樣有問題咩？』我反問番佢：『咁樣都無問題咩？』佢無出聲，之後我就俾人雪藏，間 Six Studio亦即刻冚旗。」
在無綫月薪數千的周永恒，近年主要靠在佈道會獻唱及講見證的酬勞收入，養妻活兒。
周永恒爆完大鑊，今年一月 TVB Music便以工作表現不理想，給他警告信，但離奇的是此信一直只放在 TVB Music內部，沒有通知當事人，擺明有人玩 嘢。
曾在 TVB Music工作過的歌手陳詩慧，據知亦知道周永恒因爆鄧智偉大鑊而被炒的內幕。記者求證她，但她不欲多言：「確係有咁 嘅事，我都好同情阿 Roy，但我同 TVB仲有約，所以唔方便透露！」
（《蘋果日報》圖片）
隱瞞發警告信
說到被秋後算賬，周永恒開始激動。「今年三月我返公司攞糧單報稅，當時佢 哋俾咗兩份 嘢我，一份係去年底鄧智偉指我態度唔合作 嘅評核報告，但我無睇過亦無我簽名就上報去人事部，另一封係今年一月向我發出 嘅 warning letter，但我從來無收過亦無人通知過我。人事部只係話鄧智偉同佢 哋講一直搵唔到我，真係好笑， 嗰段時間我上過《心有靈犀》同《 Big Boys Club》做節目，我老婆（前名趙頌茹）都上過《魔法擂台》，點解人 哋搵到我 哋佢搵唔到，根本有心整我！之後我有 call鄧智偉，但佢唔敢覆我，到五月 TVB就話炒我！」
被無 綫炒魷半年，周永恒說唔想再有下一個受害者，所以選擇公開真相。
記者致電鄧智偉，但截稿前未有回覆。
林峯老友
炮製「炒魷」餐回贈周永恒的鄧智偉， 00年與王勝燊、袁卓華以組合 Primary Shapes加入樂壇，其後加入 TVB，成為正視音樂的音樂總監，作品逾 300首，當中大部分都是與其他音樂人合作，例如觀眾耳熟能詳的《獎門人》主題曲，便是周永恒、陳詩慧與他合力創作。近年唔少 TVB劇集主題曲，例如關菊英《講不出聲》、徐子珊《 Hit Me》、林峯《 Let"s Get Wet》等均出自他手筆。
因為與樂易玲的關係，鄧智偉與林峯亦相當老友，由推出專輯，以至演唱會上的鋼琴伴奏，皆由鄧一手包辦。
撰文、攝影：娛樂組
[壹周刊第1127期]壹人壹句 壹人壹句
2011年10月13日
2011年10月13日
iSad
——教主一去，蘋果粉絲同聲一哀。《明報》
我就係唔識處理呢啲問題，所以無資格參選特首。
——立法會主席曾鈺成自言無膽偷情。《爽報》
——立法會主席曾鈺成自言無膽偷情。《爽報》
已經相當不錯。
——民望僅 40分，已足夠讓曾特首告慰。《文匯報》
——民望僅 40分，已足夠讓曾特首告慰。《文匯報》
好過任何自由體操。
——丁子高自爆嘗試受孕體位，其妻楊千嬅反指放鬆心情更要緊。《頭條日報》
——丁子高自爆嘗試受孕體位，其妻楊千嬅反指放鬆心情更要緊。《頭條日報》
因當地就算有銀行，都無錢買意大利債券。
——孫柏文暫別財經界，或遊古巴。《 am730》
——孫柏文暫別財經界，或遊古巴。《 am730》
老美有克林頓食雪茄，香港有唐英年飲紅酒。
——唐唐偷腥，網民指豪情遠追克林頓。《東方日報》
——唐唐偷腥，網民指豪情遠追克林頓。《東方日報》
1. They lost jobs.
2. They lost Jobs.
——網民點出如今發生在美國的兩件事。《晴報》
2. They lost Jobs.
——網民點出如今發生在美國的兩件事。《晴報》
[壹周刊第1127期]本週生肖運程
2011年10月13日
2011年10月13日
鼠
不必處理
人事問題特多，最好的應付方法就是沉著氣，冷靜地以不變應萬變。其實刻意不處理，有時也是一種有效處理問題的方法。
牛
家庭問題
家庭風波正暗中醞釀，本週應抽空多陪陪家人，同時更應抱著「退一步海闊天空」的態度去處理問題，切莫小事化大。
虎
得心應手
工作特別順利，若能好好掌握機會，權力更會出現提升之象。唯要小心小人在背後興風作浪。
兔
務必努力
得到吉星高照，本週運勢風平浪靜，若能再配合個人的努力，將有望令運勢進一步提升。
龍
保持狀態
改運的秘方在於保持輕鬆樂觀，皆因緊張煩躁心情只會影響判斷及處事能力，就算轉機出現，也難以準確掌握。
蛇
發現愛情
愛情運上升，除了可藉由多出席社交活動增加結識異性的機會，更可嘗試向長輩打探消息，隨時有意外收穫。
馬
多動腦筋
創意及靈活的頭腦將是肖馬者表現自己的有力本錢，不妨多主動參與相關的工作，隨時令身邊人另眼相看。
羊
福星高照
福星高照的一週，只要保持信心，就算遇上天大的難題也能逢凶化吉，不用杞人憂天。
猴
提防意外
受到走動運勢的影響，本週外出工作或應酬的機會特多，務必小心在路上遇上意外，皆命局隱藏身體損傷的徵兆。
雞
別太執著
有什麼比家人更重要呢？別為小小的爭執而耿耿於懷，一餐輕鬆的晚飯將是化解芥蒂的好辦法。
狗
讓心快樂
容易把情況判斷錯誤，不妨先做一些讓自己快樂的小事情，平靜喜悅的心將有助你作出正確選擇。
豬
貴人運強
人緣運極好，尤其女性更能得到異性貴人的特別眷顧，做事如虎添翼，不妨多外出社交，事業及愛情均有望得到意外收穫。
[壹周刊第1127期]星座 常見之毛病 天秤座
2011年10月13日
2011年10月13日
由於天秤座不容易表達自己，故每面對壓力，多是埋藏在心中，所謂有苦自己知，因此會因壓力而影響健康，最常見的身體毛病是腰痠背痛，有時因為工作時間過長會引致水腫等問題。建議天秤座的你要多做運動，舒展筋骨，而且多跟朋友聊天，打開心扉釋放自己，才會有快樂的人生。
白羊座
3/21~4/20
一個人成功與否，除後天努力，還得靠點運氣。雖然已很努力工作，但發展有點停滯不前，不用氣餒，因為仍有機會等著你，靜待時機！
幸運日：週四 至 friend星座：水瓶
金牛座
4/21~5/20
向來處理金錢謹慎的你，就算最近股市風高浪急，投資還不致有所損失。但你也別太高興，本週你的投資宜以靜制動。
幸運日：週日 至 friend星座：天蠍
Good 雙子座
5/21~6/20
週末夜不妨出動，穿得性感點、化個靚妝，大吃大喝一番，讓你重拾自由自在。本週單身的有機會遇上欣賞你的人，更有發展機會。
幸運日：週日 至 friend星座：雙魚
巨蟹座
6/21~7/20
期待已久的週末假期，有機會出外遠遊，享受異地風光、吃喝玩樂之外，難得一家人共敍 天倫，開開心心，一洗身心疲累。
幸運日：週六 至 friend星座：山羊
獅子座
7/21~8/21
工作上，為了維護心中正義的你，無懼同事們批評，還是堅持到最後，也因為你的堅持及全力以赴，本週有機會遇到欣賞你的人。
幸運日：週一 至 friend星座：金牛
處女座
8/22~9/22
情人對你有所誤會，只要坦白好好解釋，便可以很快冰釋前嫌。單身的本週有機會在別人的婚宴上重遇舊情人，細談之下你會發現他仍很著緊你。
幸運日：週三 至 friend星座：人馬
天秤座
9/23~10/22
趁週末秋意正濃，多跟父母相聚，如陪伴他們到郊外行山，有助吸收山川靈氣，令人心曠神怡。
幸運日：週六 至 friend星座：巨蟹
Bad 天蠍座
10/23~11/22
本週會有失眠困擾，可能是心中的憂慮仍未解決，快快去完成手頭上的工作，便可令你放下心頭大石。
幸運日：週二 至 friend星座：天秤
人馬座
11/23~12/20
本週有多個臨時緊急會議，令你工作量再百上加斤。幸好樂觀性格的人馬座，縱使心中有負面情緒，只要跟朋友暢飲一番，即可忘記得一乾二淨。
幸運日：週一 至 friend星座：雙子
山羊座
12/21~1/19
小病一場，吃點藥、多休息及喝水，很快便會恢復過來。週末會有遠行，旅途上重遇昔日校園好友，暢所欲言，令你非常開心。
幸運日：週日 至 friend星座：處女
水瓶座
1/20~2/18
運勢上升，事業不但有新突破，愛情路上有機會遇上有心人，雖未必是你心中理想情人，但仍不失是個可依靠的。有伴侶的人更步入熱戀期。
幸運日：週五 至 friend星座：處女
雙魚座
2/19~3/20
天氣轉涼，要小心身體，早睡早起多做運動，否則易患上感冒。本週單身的有桃花出現，要多悉心打扮出席派對，會遇上你心中的白馬王子。
幸運日：週二 至 friend星座：金牛
撰文：曼儂
