媽咪姐手帳
容祖兒有個「網名」叫「華麗A後」，意思係着衫、MV、歌曲乜都抄一餐。不過今次佢終於守得雲開，「升呢」被人複製！話說媽咪姐最近行過唱片舖，發現何韻詩嘅新碟《Awakening》封面，竟然同祖兒上個月出街嘅《Joey & Joey》有九成相似。除咗造型都係玩黑白tone之外，大家都不約而同玩雙生概念，仲齊齊掂住個頭擺甫士。可能，祖兒同阿詩呢pair密友，大家影新碟封面前，都互相問下對方意見啩？哎呀！不過似成咁，真係癡纏。
講起抄嘢，沉寂咗一排嘅「是非天後」謝安琪（Kay）亦都跟住抄。雖然佢隻新碟《你們的幸福》嘅封面設計由創意十足「潮人」林海峰一手包辦，不過出到嚟嘅效果，竟然同上年由松隆子孭飛嘅日本片《告白》嘅海報一模一樣喎！林海峰認真又潮又抵請嘞。 ####
俾人發現我哋咁sweet㖭！（設計對白）
摸頭
黑白衫
雙生兒
同樣nude妝、cool樣，同樣喺下半部留白，中間有幾隻字。阿林生一向buy日本嘢嘅！
我加咗三滴眼淚㗎！（設計對白）
846期
