2012年9月6日星期四

舒淇五分鐘快買

2012年09月06日

見完林峯，《壹》仔一擰轉身就見到舒淇！出街永遠唔化妝，大大頂帽笠住半塊面，呢個 look身經百戰，即使遮到冚，舒淇視野依然冇遮冇擋，永遠有本事見到有記者影相。

唔想上鏡，舒淇以最短時間完成任務，揀完貨，埋櫃位俾錢，前後只不過五分鐘，可惜櫃位排長龍，舒淇於是再將頂帽拉低啲，講嚇電話遮多半塊面。

俾完錢，開始 tubro腳行，就算踢人字拖，一樣敏捷，話咁快就落到樓下跳上車走人，《壹》仔食曬塵！

去俾錢，舒淇頂帽跌至新低點，連個鼻都見唔到，之後急步快閃。