收買人命
慳保險 新丁港姐 半空玩命
2012年09月06日上週四（ 8月 30日）晚，慧妍雅集在電視廣播城為籌款節目「慧妍愛心傾城 30年」進行錄影，殿堂級話事人朱玲玲、趙雅芝拖住另一半出席，鄺美雲更出錢出力穀胸支持。不過，一班為慈善，要被吊在半空演出敦煌舞的港姐就有苦自己知，事緣在會中有話事權的元老輩講明「愈危險愈刺激」，不單下令唔准吊威吔，連安全帶都要拎走，冇聲出的新丁港姐，被迫跳舞變玩命。
零安全措施
今次被點中表演「敦煌舞」的港姐，包括剛 卸任的去屆冠軍朱晨麗、一○年最上鏡小姐李雪瑩、過氣冠軍張嘉兒以及甚少蒲頭的樊亦敏，四人均有舞蹈底，當晚亦表現得信心十足，不過在半空做淩空一字馬、金雞獨立以及倒立等高難度動作，就如特技人一樣。
「揀佢哋都因為呢幾個都識跳舞，但咁樣唔代表佢哋可以做危險動作。最初知道要喺半空跳舞，佢哋都覺得可以應付到，但後來知道唔會吊威吔就好驚，因為淨係靠個吊住威吔嘅男 dancer用手扶住做淩空動作，如果個男仔滑手，佢哋會隨時斷手斷腳。啲女仔之後都有向班阿姐要求吊威吔；但番嚟嘅指令係班話事人覺得『愈危險愈刺激』，因為三十周年，想特別啲，所以連安全帶都唔可以綁。總之就冇任何安全措施，好牙煙。」有份參與的工作人員透露。
受傷標血
排練時，大家都一步一驚心，朱晨麗、張嘉兒練到全身瘀青；玩過體操、身手靈活的李雪瑩同樣嚇破膽，有次更被男舞蹈員的威吔損手狂標血，搞到忍唔住大喊。上週中，李雪瑩上載一張排舞時受傷流血的相到微博，她更以「好傷」形容。
據了解，李雪瑩受傷後，曾經問過慧妍雅集有關方面有否替她買保險。
「 Crystal問佢哋會唔會買保險，慧妍嗰邊覆話 TVB會買，言下之意，即係佢哋無準備善後功夫啦！其實排咗咁多日，一個慧妍嘅人都冇嚟探班，根本冇人理佢哋，其他人就表演行 catwalk、示範煮嘢食舒舒服服，佢哋四個就要搵命搏，臨開騷前一日，先收到一個 whatsapp，樊亦敏就醒，自己刪 咗 啲難度高動作，仲係新嘅 Crystal就頂硬上，震震嚇咁跳，驚死跌落地。」
當晚錄影完已經接近十二點，幾個「特技人」約埋有份演出的舞蹈員，同到尖沙咀板長打邊爐，邊醫肚邊吐苦水，食到半夜三點幾，各自 散去。
對於要求新丁港姐搵命搏，話事人之一的王愛倫十問九不知：「我哋都知有危險，不過節目 嘅 production交 咗俾 TVB，由楊盼盼設計動作，所以唔清楚佢哋冇吊威吔，冇用安全帶。（有冇去探班？）我好忙，由朝做到晚，同埋唔想阻住佢哋排舞。」嘩！推得一乾二淨。
亡命表演
無 綫大型節目為求刺激收視，很多時候會要求藝人作亡命演出，但限於預算，買意外保險要睇 餸食飯，所謂保障，隨時得個桔。
栢芝飛車傷頸
02年，張栢芝為《慈善星輝仁濟夜》作飛車表演，雖然成功飛越五輛車，卻扭傷頸部，及導致背脊骨十二節碎裂，事後更發現無 綫僅為她買下百萬意外保險，被炮轟收買人命。
思琦台慶失足
04年無 綫台慶彩排時，站在黃宗澤身上的楊思琦，突然失平衡跌落台傷及頸、腰，需立即送院，其間楊思琦一度情緒激動，伏在助手身上痛哭。
Yumiko飛人甩褲
06年《歡樂滿東華》，鄭希怡（ Yumiko）表演空中飛人時，長褲突然鬆脫，露出黑色 T-Back，由於是現場直播，過程被數百萬人目睹，片段更被人上載到互聯網，自尊受損。
.[壹週刊]慳保險 新丁港姐 半空玩命
http://hk8news-d.blogspot.com/2012/09/blog-post_3224.html
