探熱針
五分鐘返學 李克勤半億買時間
2012年09月06日幾乎每個星期都要返國內演出的李克勤，密密賺荷包腫脹，今年七月，他以五千四百一十萬購入壽臣山曉穎花園獨立屋，將現金換磚頭。一擲半億買樓，克勤十個理由是方便大仔返學，四歲 Ryan就讀的加拿大國際學校位處香港仔，每日由清水灣來回上學需最少花上個半小時車程，新居入夥後，只需五分鐘車程，便可回家，半億換時間，免得兒子舟車勞頓，廿四孝李克勤，用心良苦。
俾面甘菁菁
上週五（八月三十一日），李克勤為商台演出棟篤唱《笑笑音樂會》，當日 Ryan亦有到場睇騷，為免引起傳媒留意， Ryan被安排與幾位同學及家長一齊入場，後因跑去找爺爺嫲嫲，才被記者發現。
「克勤本來都唔想 Ryan嚟睇騷，佢覺得個仔開始大，成日俾人影到相，唔係咁好。今次個棟篤唱係幫樂善堂籌款，同埋佢俾面甘菁菁，所以同商台合作，好多同學家長都好踴躍買飛捧場做善事， Ryan問佢點解同學嚟得佢唔嚟得，克勤都唔識答，最後咪答應俾 Ryan嚟。」克勤身邊人說。
大仔 Ryan去年升讀加拿大國際學校 K2，每日由西貢銀線灣寓所出發返學，唔塞車亦要花上超過四十五
分鐘。
「克勤依家住緊銀線灣間屋係○二年買嘅，住咗成十年，佢同老婆都好鍾意嗰度，覺得間屋好旺佢，但舊年個仔考咗入加拿大國際學校，返學放學要接近兩個鐘，細路仔返到屋企又要做功課，佢唔想個仔嘥曬啲時間搭車，過去半年密密搵樓，七月就撲槌買咗壽臣山呢間屋，依家趕緊裝修，起碼年底先入到夥。」
一年唱間屋
要豪掟半億買樓，但克勤絕對無使入肉。近年密密在內地做騷，連同為 Now做主持，年多時間已經賺夠買大屋，相當和味。
「呢兩年克勤少咗幫 TVB做嘢，有時間俾佢接內地 job，幾乎每個星期都有得做，唱幾首歌袋五十萬，真係好好搵！」知情者說。
再忙，克勤都盡量親自湊仔返學，自從年初傳出有國內集團式拐子佬拐帶兒童，他更做足防範，接載兒子返學放學的七人車，每日均會駛入校內，讓 Ryan上落。
「有時克勤未必可以湊到 Ryan返學，所以佢同學校傾好咗，俾架車駛埋入學校裡面，咁就算得工人帶返學，佢都放心啲！」知情人說。
過億磚頭
向來喜歡買樓保值的李克勤，與太太盧淑儀共同持有多個物業，唔貪唔炒，成績屬於賺多蝕少。
.[壹週刊]五分鐘返學 李克勤半億買時間
http://hk8news-d.blogspot.com/2012/09/blog-post_4171.html
