2012年9月6日 星期四

[壹週刊]江湖密令 李宗瑞遭黑幫尋仇




國台扮

江湖密令 李宗瑞遭黑幫尋仇

2012年09月06日

家陣 響台北看守所等候判刑 嘅李宗瑞,上到庭依然否認迷姦,強調拍攝時雙方都有「默契」。唔認變態,有傳李宗瑞拍淫片拍到得罪黑幫大佬,各大社團頭目已聯手發出「江湖雞姦令」,要 響獄中好好「服侍」淫魔。

家人遭勒索

失蹤 23日,台灣淫魔李宗瑞終於自首,家陣收押台北看守所等候發落。闊少變監躉,但據佢代表律師講,李宗瑞食得又瞓得。有乜咁出奇!上週五李宗瑞上庭應訊,依然否認迷姦,強調全部你情我願,唔明點解個個影完唔算數,根本唔知錯,又話唔記得同過幾多女人上床,因為數量實在太多太多太多喎!

至於點解淫片入面,女方叫唔好依然霸王硬上弓?李宗瑞代表律師反鬧檢控官睇太多娛樂新聞被誤導,仲話鹹片入面女主角「 say no」只係情趣,嘩!歪理當真理,李宗瑞同律師齊齊俾人鬧:「你們都這麼變態嗎?」

厚顏無恥令人髮指,江湖傳聞一年前李宗瑞剛開始被警方調查,已經有黑幫攞到完整版淫照及淫片,並多次向李家勒索。

放大圖片

上週五戴住「孖葉」踢拖上庭嘅李宗瑞,依然否認迷姦,死性不改。

放大圖片

早前向警方自首 嘅李宗瑞,黑幫隨即發出「江湖雞姦令」,警方怕搞出人命,將佢調到「禁見房」,冇囚犯可以埋到佢身。

李宗瑞自首前,有指佢同家人遭黑幫勒索,李宗瑞逃亡期間被人發現同社團人士來往,由於藝人王陽明(上圖)都在場,警方一度邀請佢返警署落口供協助調查。

變態千人斬

直到事件上月正式曝光,有傳淫片受害人向竹聯幫大佬求救,當時李宗瑞仲未自首,黑幫要求李家向受害人賠償「遮羞費」,但雙方金額上講唔掂數,李宗瑞選擇自首,黑幫決定一拍兩散,網上公開淫照淫片原檔。

以為入到監獄可以一了百了,點知兩大台灣黑幫社團聯手發出「江湖雞姦令」,叫曬獄中兄弟睇準時機教訓李宗瑞,警方收到風後,安排李宗瑞入住雙人「禁見房」,完全冇機會同獄中任何人接觸同見面,而佢 嘅同房,因為兩個月前已入獄,根本唔知李宗瑞係乜水。

據警方從迷姦影片綜合得 嚟 嘅結果,發現李宗瑞由 2008年開始犯案,個個月都有收穫,去年犯案次數明顯急增,試過單月錄得 16條唔同女子影片,平均隔日出動。有精神科醫生指,李宗瑞疑似有「千人斬」特殊癖好,總之一句講曬:變態!

放大圖片

受害人之一 嘅吳亞馨,依然自閉家中唔肯見人,工作全面停頓,有指佢要養起一家十二口,屋企仲有個輕度弱智細佬,陰功!

放大圖片

李宗瑞經常幫襯台北市一間出名多靚女 嘅「巴賽隆納俱樂部」,有指俱樂部內有多名「囡囡」俾佢迷姦,李宗瑞又成日簽單唔找數,叫霸王雞仲要拍片,賤格!



.[壹週刊]江湖密令 李宗瑞遭黑幫尋仇
http://hk8news-d.blogspot.com/2012/09/blog-post_4181.html