同你吟一吟
唱片市道差，但容祖兒嘅新碟《Joey&Joey》，一出街就話賣三萬隻得雙白金，英皇上個禮拜二（十月四日）仲幫一姐舉行祝捷會慶祝。
呢期同Sammi鄭秀文一樣，健身跑步上曬癮嘅Joey，唔介意响祝捷會上著得性感啲，透bra露腰加件魚網衫展示fit爆身形。有肉唔怕露，Joey更因為太耐冇攞雙白金，失而復得笑到唔停口，招牌大牙肉想遮都遮唔住。咪以為染咗金毛，笑起上嚟唔似艾辛先得㗎！ ####
魚網衫透腰又透bra，keep住做運動嘅Joey，始終唔係一日三餐食梳打餅，點都唔及Sammi咁瘦。
一提起攞到雙白金，Joey都不自覺露出大牙肉，艾辛上身，仲話自己同公司訂咗二百隻碟送禮，點知都係冇貨俾佢喎！
我心口冇肉，牙肉搭夠囉！（設計對白）
1127期
