國台扮
9月1日响北京家中拔罐，被治療師誤將酒精灑响身上着火，導致臉、背深二度嚴重燒傷嘅齊秦，一度傳佢情況嚴重要做植皮手術，後來唱片公司代為否認，更公開齊秦入院半個月，以紗布包裹面部嘅相片。雖然51歲，不過齊秦復元得好快，醫生仲話唔會有疤痕，不過鴛鴦面色就好難避免。為咗好好休息，齊秦上個禮拜出院，即刻同老婆孫麗雅飛去美國養傷，醫生叫佢暫時戒煙戒酒戒曬太陽，但齊秦除咗酒之外，已破其餘「兩戒」，佢話曬下太陽，可以令膚色變平均喎！
北京留院期間，齊秦晚晚要趴瞓，成面包紗布再插氧氣管，好在醫生話唔使植皮，否則邊有咁快出到院。 ####
留院大半個月，齊秦最掛住就係囡囡齊心，家陣一家三口响美國度假兼養病，順利的話，齊秦會响農曆年再同歌迷見面。
1127期
