2012年11月7日星期三

[FACE]高登女神魯芬　有男人為我喊過

當年 20歲嘅魯芬全靠契爺董驃介紹入行，之後亦因曾志偉拍了第一套電影《女子監獄》。𠵱家她亦提拔電影新人，抽咗一星期時間幫一班浸大學生拍了套藝術電影《大龍鳳》，仲會參加今年鮮浪潮本地競賽公開組。

搜尋氣

高登女神魯芬　有男人為我喊過

2012年11月07日

首屆高登女神選舉，出奇地謝安琪榜首，官恩娜、苟姑娘排亞季，更出奇係做開惡婆角色嘅魯芬，竟然排第 8位緊隨陳法拉，即時令魯芬 BB人氣高企，連佢 92年同吳孟達拍嘅《飛女正傳》，一場肉搏戲亦被網友熱炒。

原名張偉芬，自稱 30歲零幾百個月嘅魯芬做慣醜女，男人見到理應即飛，但現實中的魯芬，反而曾狠飛已談婚論嫁的青梅竹馬男友，男友更為她傷心流淚。魯芬收起粗聲粗氣：「有男人為我喊過㗎，我都好自豪呢樣嘢㗎！」

其實我以前都試過有 6呎型男追，又試過差啲結婚㗎，但後尾都唔得，雖然佢同我青梅竹馬、又主動向我求婚，但原來愛情係冇同情嘅，所以最終都冇同個男仔結婚，佢娶我唔到咪喊囉！有男人為我喊過㗎！我都好自豪呢樣嘢！想當年我芬姐都係美女一個嚟㗎！之後我冇再拍拖，𠵱家都唔諗喇！要搵人要我先得㗎？自己知自己事。

其實拍戲咁多年，我發覺好多編劇都唔鍾意寫角色畀我，我自己都唔明，大陸都有好多請老或者肥嘅角色啦，不過講真如果我靠拍嘢搵食，一早死咗囉。拍戲呢啲講真（小角色）有我又得，冇我又得，所以我咪自己搞紅酒生意，我冇嘢多，係紅酒多囉！

放大圖片