真面目
另起爐灶 神劇孖寶起飛腳 無綫急凍《金枝貳》
2012年11月07日TVB師奶主導，劇集離不開爭產同八婆鬧交。好似《天與地》同《心戰》呢類神劇真係激罕。
另類劇難得，可惜神劇孖寶監製戚其義同編審周旭明完成《金枝慾孽貳》後期，便會正式離開無 綫。據聞二人會自組公司製作劇集，再賣畀大陸或者無 綫。最慘係「生父」離巢，小器無綫亦依慣例，將萬眾期待 嘅《金枝慾孽貳》冷處理，出土遙遙無期。
自《天與地》成為網民神劇後，戚其義和周旭明亦升呢成為無 綫 cult劇孖寶，雖然網友叫好但師奶睇唔明導致收視一般，之後播 嘅《心戰》一樣未獲師奶認同，所以一直有傳二人心淡離開無 綫。
巡禮冇份
本週四（ 8日）節目巡禮，到時將會有預告透露下年籌拍同重點推介 嘅劇集，不過一樣冇《金枝》份。
收視威過
神劇孖寶戚其義同周旭明拍《天與地》同《心戰》仆咗，但其實二人成名作《金枝慾孽》當年收視贏盡一切，係近年玩另類先俾師奶離棄。
04年《金枝慾孽》平均 32.5點，最高 44點
除 咗贏盡口碑，黎姿亦憑玉瑩小主一角，首奪視後。
11年《天與地》平均 26點，最高 36點
09年開始拍攝，可惜因為題材敏感，加上主要演員林保怡和佘詩曼已離巢，令呢套有份拍《金枝貳》嘅苟芸慧，亦對阿戚離開感可惜，冰封兩年。
12年《心戰》平均 24點，最高 32點
《天與地》後 嘅作品，繼續玩另類，陳豪飾演變態殺手，同戲劇大師 嘅鄭少秋鬥智鬥力，可惜內容太深考起師奶。
自組製作公司
上年有傳《金枝慾孽貳》為二人在無 綫的最後作品，戚其義和周旭明的去向亦傳聞甚多。
據知除王維基的 CTI曾向二人招手外，國內的湖南衞視亦極想羅致兩人加盟，可惜最後戚周選擇自組公司。據知有待阿戚和周旭明完成《金枝慾孽貳》所有後期，這個月內就會正式離開工作了 17年的無 綫。
2013都冇得播
監製走人，阿戚一班禦用演員隨時變孤兒仔，身為阿戚禦用演員兼好友的 黃德斌話：「呢啲嘢唔好問我喇！其實喺第二啲地方合作都得嘅！唔一定單喺呢度（無綫）！但去向你都係叫佢答你啦！」
演員愁，連帶阿戚的「遺作」《金枝貳》亦上映無期。據無 綫外事部副總監曾醒明表示：「總之現階段二人都仲係 TVB嘅員工。（《金枝慾孽貳》幾時播？）下年好似排密曬喎！但呢套咁多人期待，一定揀 啱檔期先上。」咁咪要到 2014年先有得睇？
老薑監製冇得簽長約
戚其義、周旭明 喺無 綫做到心淡、至於有收視保證 嘅李添勝（ 64歲）和潘嘉德（ 60歲）亦唔好得去邊，無 綫因兩人已屆退休年齡，而不與他們逐年簽約。一手炮製《衝上雲霄》的德哥，續集竟然冇份做監製；而添哥的《天梯》雖叫好叫座，但因 孭飛 嘅張可頤唔再係無 綫人，所以宣傳亦不多。
羅仲謙係德哥愛將，現忙拍《衝上雲霄 2》，完工後即緊接拍《 On Call 36小時》續集。他對記者坦言冇德哥佢就冇今日。
羅仲謙當年有德哥 𥄫中，搵佢拍《搜下留情》飾演泰拳教練，首次喺幕前騷肌，即刻成個星運唔同曬，該劇仲捧紅埋飾演鵪鶉妹嘅 黃智雯。
吳鎮宇監製唔重要
你哋唔了解啲製作模式啫，唔好睇到監製咁重要，真正嘅領隊係曾勵珍、梁家樹。有佢兩個得㗎喇！（真實對白）
《衝上雲霄》 Sam哥深入民心，鎮宇對德哥冇份搞續集，態度淡然。
吳卓羲繼續重用
公司請得嘅一定係有用啦，德哥、添哥係好監製！（真實對白）
吳卓羲亦因潘嘉德的《巴不得爸爸》嘗試搞笑角色，一直受德哥重用。
馬國明有唔開心
我諗德哥有唔開心啩！（真實對白）
對於恩師冇份搞《衝 2》，馬明亦感德哥唔開心。
有出有入
神劇孖寶離巢，自然要有人補位。希望新人事新作風， 啲劇集唔好咁師奶啦！
黃翠如做女一
80年代曾經係亞視劇集 嘅監製，之後亦去過無 綫，今年珍姐請她回巢，第一套作品就係陳展鵬、黃翠如 孭飛 嘅《心路 GPS》。
Do姐再拍子華
戚其義離開無 綫，製作經理一職由徐正康接任。當年《男親女愛》就係佢監製嘅作品，回巢首作係陳豪、黎耀祥、陳法拉 孭飛 嘅《傳愛事務所》，有傳他更欲找 Do姐同子華再合作。
重頭劇新貴
新晉監製、梁家樹愛將，首部監製作品《怒火街頭 2》現忙拍《衝上雲霄 2》，全部一線大劇。
.[FACE]另起爐灶 神劇孖寶起飛腳 無綫急凍《金枝貳》
http://hk8news-e.blogspot.com/2012/11/face_6614.html
