2012年11月7日星期三

師兄偷𥄫腳瘀祖兒

2012年11月07日

上星期一連兩日，容祖兒同新歡舊愛同場。先喺《叱吒頒獎禮》記招同劉浩龍首次同場，再去 Burberry新店開幕撞正前度何韻詩，避無可避，祖兒極尷尬，祖兒同阿詩就冇乜交流囉！

見證住「祖詩戀」嘅 Wyman，不時拉攏影大合照，但祖兒同何詩死都要隔住幾個身位；師兄仲陰功，前後排企都算喇，祖兒仲眼尾都冇望過男友一眼，不過眼利嘅 FBI就發現師兄不時偷𥄫祖兒。師兄拍拖要被迫低調，唔怪得問親有關祖兒嘅嘢，師兄都話︰「你問番佢啦！」

雖然傳師兄有機會拎「叱吒歌曲」獎，但女友表面好冷淡，眼尾都唔望嚇。 FBI覺得師兄地位雖然同 Joey仲差好遠，但始終係男友，私底下呵番囉！

第二日去 Burberry開幕，被 Wyman拉埋影合照。同新歡同場尷尬啲？定同舊愛同場尷尬啲？我諗應該差唔多。