封面
唔畀吳帥見女 暴瘦楊思琦抑鬱加藥
2012年11月07日女仔人家，一步都唔可以行錯！
無 綫就有個人辦楊思琦，本來公屋港姐出身，身為當家花旦接濟奀茄男友李泳豪 9年都冇嫌棄，純品顧家又專一深入民心。好衰唔衰識著空心老倌、前國家跳水隊員吳帥，珠胎暗結、離棄舊愛、避世生女、最慘係做咗單親媽媽為女回流電視圈搵食，不過經營多年乖女形象毀於一旦，工作少得可憐。
今年 3月誕女後，已經有傳患上產後抑鬱嘅 34歲思琦妹，養女又要照顧父母，事業又一沉不起，壓力爆煲下據悉病情日增嚴重搞到不斷加藥，近月更暴瘦 20磅，肋骨盡現，情況令人擔憂。
楊思琦成為 01年港姐冠軍後，翌年已被無 綫重用擔正拍劇，極速榮升當家花旦，事業發展可謂一帆風順。不過自從去年 6月單方面宣布與拍拖 9年的李泳豪分手，被揭發移情吳帥珠胎暗結，不只成為李家上下公敵，演藝形象亦瞬間插水，死撐冇大肚嘅思琦妹同年 9月遮無可遮，遠走美國避世兼養胎，今年 3月 8日，女兒出世，跟思琦妹姓楊，證實了外間流傳多月思琦妹狠撇吳帥做單親媽媽的傳聞。
不相往來
愛女楊卓穎滿月後，思琦妹 4月火速復出。雖然曾經接受訪問時承認單親艱難，據悉，思琦妹堅持不吃回頭草，不與吳帥聯絡、謝絕吳帥經濟資助、並且立定決心不許吳帥與親生女會面。
女兒至今滿 8個月大，湊女工作全由思琦娘家負責，思琦就專心工作養起頭家。娛樂圈偏偏夠現實，形象插水、人緣又差，分手生女事件仲要激嬲昔日疼錫思琦的樂易玲，有指無 綫高層向藝員部落旨，所有媽媽級代言產品及活動，一概撥歸一家和睦、生女後成功洗去「狐」味嘅郭羨妮；出道 11年，思琦妹又首次被無 綫官方月曆飛起；零劇集的思琦妹只剩內地偏遠登台搵銀機會，為生計，賤價出騷都要繼續做，間中獲派主持二三流節目，難為她無悔擔起單親媽媽重任，現實卻事與願違。
加藥治標唔治本
根據李寶能醫生表示，抑鬱症分兩種：「第一種係生理因素，係腦神經出現問題，可能係有腫瘤；第二種係心理因素，因為外來事件影響，例如病人嘅感覺、認知等。情緒出現問題嘅病人，本身都控制唔到自己，例如會突然大笑或喊，或者人前人後兩個樣，更有可能連自己有病都唔知。病人食藥控制病情其實係治標唔治本，只會令病情惡化。單親媽媽出現產後抑鬱嘅機會更大，嚴重嘅會有殺死 BB同自殺傾向。」
李家鼎懶理：由得佢啦！
去年，寶貝仔（小圖）李泳豪被楊思琦恨撇後，曾發火鬧爆思琦嘅李家鼎，聽到記者查問反骨女抑鬱一事，佢語氣平靜：「冇聽過咁嘅事，想理都冇用，人哋都唔畀我理，由得佢啦！（仲有冇見面？） 𠵱家喺公司見到面佢都會走過嚟同我 say hello，佢尊唔尊敬我就唔知啦，不過人哋同我打招呼，我咪應佢囉！」
自困屋企
生女冇耐，樂易玲就公開表示擔心思琦產後抑鬱，建議她求醫。
據知情人士透露，思琦雖然當眾否認有情緒病，其實時至今日病情依然未好轉：「獨力生女條路係佢自己揀，唔辛苦就假！但係思琦好勝，唔想衰畀人睇，表面上睇佢有女萬事足開開心心咁，其實佢又做 嘢又湊女，工作壓力大，仲要 喺人前扮冇事，情緒病根本就冇好番，成日自困屋企，足不出戶。朋友問佢做乜脾氣咁大波動又瘦 咗好多，佢先至承認有睇醫生，最近仲加 咗藥！」
失控重複：「冇抑鬱！」
復出七個月，思琦一直被無 綫投閒置散，間中只獲委派主持端午節及全城防火特備節目，機會連新人也不如。
上週五（ 2日），終於有工開，為與林曉峰、張美妮合作主持的資訊節目《瘋狂歷史補習社》在電視城錄影。記者上前採訪，問起愛女時，思琦喜洋洋：「個 B愈嚟愈重啦，好難抱，不過都唔算辛苦，湊佢係開心事。工作方面未有劇拍住，都係等公司安排囉！」話題一轉到抑鬱症，思琦立即高八度激動否認：「我冇抑鬱、冇抑鬱、冇抑鬱呀！我講 咗好多次，我冇睇醫生冇食藥，我冇抑鬱、冇抑鬱、冇抑鬱呀……」就算否認冇抑鬱，思琦妹呢個反應都唔似一個入行十多年藝人嘅舉動，冷靜 啲得嘛？
抄 20年亞視舊作
無綫新節目《瘋狂歷史補習社》由楊思琦、林曉峰及張美妮擔任主持，每集請來唔同嘉賓扮歷史人物說故事。聽落節目好新穎，但原來亞視喺 91年已做過相同節目叫《歷史也瘋狂》，由歐錦棠和安德尊等扮嘢主持，都係出自餘詠珊手筆。 20年前嘅節目都翻炒，無綫的確善用資源喎！
本週一（ 5日）餘詠珊死撐：「兩個節目係完全唔同嘅，以前嗰個係搞笑節目，搵人扮古代人物，而且嗰啲古代人係我哋作出嚟嘅，純粹貪玩。今次新節目係有教育意義，講嘅歷史人物都係真嘅，算係半通識啦！我哋搞咗 9個月，問咗好多大學教授嘅意見㗎！」
單親媽咪唔易做
普通人做單親媽咪已經唔易，更何況係星媽。少數幸運例子好似林憶蓮咁，搭上細 11年嘅恭碩良玩姊弟戀，證明女人 46歲仲好有魅力。但唔係個個單親媽咪都咁好彩，湊仔之餘仲好大壓力，女人唔易做㗎！
關淑儀
facebook遺言
關淑怡未婚產子後性情大變，加上退隱多年，事業感情兩失意，搞到個人情緒出現問題，更於 9月在 fb驚爆遺言「我想自殺」及「不想活」等尋死字句，令圈中好友非常擔心。
張栢芝
離婚激瘦
一向任性又脾氣大的張栢芝，自去年離婚後暴瘦。有傳張栢芝曾於 08年淫照曝光後試圖抱仔跳樓，情緒失控。霆鋒為怕離婚一事再刺激栢芝，才放棄囝囝的撫養權。
吳綺莉
撲水養家
99年吳綺莉為成龍產下「小龍女」，而成龍亦向公眾承認做錯事；同年吳帶女遠走上海，十多年來都由吳一手湊大女兒。近年吳回歸香港發展，在商台主持《 1圈圈》養女。
媽模 Mia
賣肉養囝
23歲媽模 Mia陳靜儀， 16歲結婚極速誕下一仔一女，但 3年後離婚。冇咗老公， Mia做 𡃁模影寫真，賣肉賺錢養家。
.[FACE]唔畀吳帥見女 暴瘦楊思琦抑鬱加藥
http://hk8news-e.blogspot.com/2012/11/face.html
