FBI
《衝 2》石澳外景胡杏兒狗不理
2012年11月07日《衝上雲霄 2》由暑假拍到 𠵱家，是非就傳足咁耐，一時鎮宇發火、一時 Chilam鬧 PA，搞到 FBI早兩日入去石澳探班，都有 啲怯！
好彩好彩，朝早仲落雨濕濕又降溫凍冰冰，下晝四點幾，鎮宇同杏兒到場無耐就放晴，兩位拍呢場行沙灘談情戲唔使一粒鐘就拍完。天公造美咁早收工，連鎮宇都冇脾氣啦，全程笑騎騎，仲同 FBI講笑話：「我腳頭好，帶個太陽入 嚟石澳吖嘛！」
前度黃宗澤呢排盛傳搭上姣精徐子珊， FBI睇落，杏兒肥 咗又靚 咗，仲撩狗玩，心情又冇乜影響喎，可惜當日杏兒叫極隻狗，隻狗唔騷佢，仲急急腳走添！《衝 2》拍 咗兩個月，杏兒又識 咗新朋友，就係同劇嘅傅嘉莉（ Kelly），唔使開工嘅 Kelly仲特登入石澳等杏兒收工去街。冇男友完全唔使愁。
《衝 2》趕住拍埋香港戲分就會到歐洲拍外景，百忙之中嘅鎮宇上週四（ 1日）都去 咗 Burberry嘅畀面派對：「因為個品牌有贊助我，所以一定要到一到。」鎮宇仲同少時嘅允兒（左二）坐第一行，可惜中間隔咗品牌公關，冇得交流。
上集同 Sam哥（下圖）結婚，杏兒舊角色 Zoe喺續集嘅第 2集就死，跟住就會出現一個同佢一模一樣樣、但短髮嘅飛機維修員角色。不過今集同佢撻著嘅唔係 Sam哥吳鎮宇，而係飾演鎮宇細佬嘅吳卓羲。
.[FACE]《衝 2》石澳外景胡杏兒狗不理
http://hk8news-e.blogspot.com/2012/11/face-2.html
