2012年9月22日星期六

李綺雯跌落凡間

李綺雯跌落凡間

當「國寶」郭晶晶快做霍家新抱之際，相信大家已忘記在晶晶之前，o靚妹李綺雯曾跟霍啟剛傳緋聞。但不要說甚麼豪門夢，妹連霍家大宅都未見過，更遑論做甚麼新抱不新抱？雖然吃不到葡萄，但至少有個觸得到的男友，做人都係實際啲好！

要說李綺雯，可能提起「o靚妹」比較多人記得，關於她的一切，除了N年前的亞視女優，大家可能還記得霍啟剛，還有一個陳七。雖然妹這類藝人在電視數埋都有十九幾打，但能夠與霍家大公子扯上緋聞的，電視城就只有她一個。不過，面對霍啟剛與晶晶結合，做慣開籠雀的她似乎被點了啞穴，原來令人最記得的事，同樣是她的死穴，妹說：「都講過我同佢冇嘢，全部都係吹水！其實都唔知點解會傳我同佢，諗番好笑至真。佢依家同晶晶好好呀，郎才女貌，晶晶仲要係跳水奧運金牌選手，希望佢哋可以白頭到老！」

同有錢人拍拖壓力大

吃不到的葡萄，有人說是酸的，但有時葡萄太甜吃了反而會蛀牙，吃不到就是吃不到，嫁不入豪門反而更好，妹說：「以前細個可能真係想嫁個有錢人，諗住下半世唔使憂，但係畀你嫁到入豪門又點，老公對你好當然好，若老公對你唔好，就好似被重門深鎖，多多錢畀你使都冇用，所以我好同情已故嘅戴安娜王妃。」

妹今年27歲，距離約定俗成的所謂「剩女危機」還有3年，不再發甚麼豪門白日夢、大想頭攀龍附鳳，即使不吃「葡萄」，吃吃其他價廉物美水果不是更好嗎？幸好她已擁有一個要好的平凡男友，她說：「我依家個男友好平凡，佢做寫字樓，是他也是你和我，不過我至少觸摸到！佢錫我係真，感覺超真實，我唔使諗佢同我拍拖係咪玩玩嚇。佢事事以我行先，令我得到尊重，你話喇，同一個有錢人拍拖壓力實在太大，同一個普通人一齊真係好輕鬆！27歲知道自己想要乜嘢，真係一啲都唔遲。」

保持心境抗中女危機

遲甚麼？妹從來不怕中女危機，即使他朝年過三張，妹依然都是妹，讓自己長不大，她說：「雖然人愈來愈大，但我唔覺得老囉！過多3年又好，就算過多30年都唔認自己係中女o架，女仔只要保持心境，識得打扮，點都可以靚一世。我偶像柯德莉夏萍就係呢類人，佢死前60幾歲，仲係咁靚，我都好想好似佢咁！」

努力做大茄期待回報

有了愛情，很多人自然沒有心機工作，但妹並非這類人，對於工作還存在野心！她說：「其實我好Enjoy依家嘅工作，唔怕做所謂嘅『茄喱啡』，有邊個一下子可以做天王天後視帝視後先？周星馳都做過《430穿梭機》啦！我等緊一套好嘅劇同角色，古明華努力咁多年都有回報，我依家都仲好努力，希望好心有好報！」

野心雖有，但又不是大得遙不可及，妹只希望外界認同她的演技，她說：「我唔係話要做視後，但真係好想有人知道我係做到戲，導演監製搵人第一個諗就搵我就最好。其實我覺得米雪、李司棋真係好犀利，咁多年都畀人讚，當然佢哋最後都可以做到視後啦！」的確，今日的妹不再浮誇，變了葡萄成熟時。

後記：笑女情懷

跟妹傾電話與做訪問，可以稱得上賞心樂事，她總會令你開心、令你笑不攏嘴。訪問當日，小記為交差問了多條有關霍啟剛的問題，但她竟黑面罵我：「唔好啦！搞錯呀問呢啲！」以為出事，不消三秒她即說：「講笑咋，睇嚇你幾驚！」

李綺雯笑言已認清現實，寧找個凡人做老公。

李綺雯步向女人三十，但只要保持心境年輕，依然可以繼續做妹。