滾熱辣
評保釣出事 法拉遭網友插爆
2012年09月21日
保釣事件掀起反日浪潮，抗日情緒高漲由大陸席捲香港，除了保釣示威，更有日籍夫婦遭港男毆打，就連演藝界亦大受牽連。 9月 14日，陳法拉亦在微博貼上有關釣魚島的歷史，圖文並茂，不過內容暗示釣魚島為「舊中國政府自己放棄」，即時被一眾愛國網友瘋 冚，插爆她是「無恥的漢奸女」、「腦殘」。雖然法拉迅即刪除微博，但餘波未了，網友繼續鬧爆，沒完沒了。
釣魚島事件加上 9.18，唔少藝人都為國恥沸沸揚揚，大部分藝人撐法拉「言論自由」。而中日劍拔弩張，唔少為日本品牌做代言人的藝人，都人人自危，工作喊停。
14日，陳法拉在微博 post了一段有關釣魚島歷史的文章。當中有兩篇提到二次大戰後，新中國及國民政府（即國共兩黨）默認釣魚島的主權屬美國，而 1968年後發現釣魚島有大量石油，中國及台灣才表示擁有釣魚島。
網友插多撐少
網友普遍認為陳法拉暗示中國已放棄釣魚島，只因後來發現釣魚島有大量石油，才想認回釣魚島。於是紛紛插爆，只有少數 fans夠膽支持她。
苗僑偉 日本好大挑釁
「有愛國心、反日精神，大家可以理解，但依家變 咗自己搞亂自己國內 嘅民生，我覺得非常唔好。釣魚島係中國 嘅領土，呢個係無可否認 嘅。中國一路都作出好大 嘅讓步，今次日本呢個行動，係好大 嘅挑釁。但係香港有言論自由，網民唔需要咁激動鬧法拉！」
鍾嘉欣 返內地工作擔心
「 嚟緊去內地登台都有少少擔心，當然佢 哋唔會傷害我，但 喺咁混亂咁激動 嘅情況下，會容易傷及無辜，希望大家冷靜 啲。我會睇清楚情況至決定會否取消登台，唔好話坐唔坐日本車， 喺條路見到 啲人打 嚟打去，我見到都會驚。法拉都冇話釣魚島係邊個，大家唔好咁鬧法拉啦！」
徐子珊 搗亂有 啲過火
「近日發生搗亂、襲擊警察，我覺得有 啲過火，希望件事可以和平咁去解決。我相信香港係有言論自由，要尊重每個人意見，我諗法拉都係冇心 嘅。」
李司棋 啲人借題發洩
「中國人 喺自己 嘅土地上掟 嘢、燒車，係咪混淆 咗個做法呢？我 哋係要話俾對方聽，中國人係堅持呢個地方係中國。會唔會係有 啲人本身借題發洩？法拉唔係否定釣魚島係中國，既然以前係我 哋，就永遠係我 哋，就算打仗輸 咗割 咗出去，過 咗個年期就要還番俾中國。」
抗日風波升級
近日再起釣魚島風波，事緣是東京都知事（市長）石原慎太郎，在 4月初表明要購買釣魚島（日方稱為尖閣諸島），並將之納入東京市版圖，加上日本政府連串侵犯中國的領土行為，引來中國國民強烈不滿。
日募款買島
4月 27日，石原慎太郎（下）宣布和釣魚島之所謂持有人達成購島協議，並表示將向民間公開募款。
日兩艦夾擊
8月 12日，香港保釣行動委員會的「啟豐二號」漁船載住中國大陸、香港及澳門的保釣人士起程。 15日，「啟豐二號」進入釣魚島海域後遭日本海上保安廳艦隻和直升機包圍，雙方發生碰撞。而 14名保釣登陸人士更被日方人員以「非法入境罪名」拘捕。
日大使遭拔旗
8月 27日，日本駐北京大使丹羽宇一郎（下）座駕上的國旗被一名中國籍男子強行拔走，事後丹羽表示這只是單一個案。
中國發聲明
9月 10日，日本政府再宣布「購買」釣魚島及其附屬島嶼，實施日方所謂的「國有化」。對此，中國政府嚴正聲明，日本政府的所謂「購島」完全是非法及無效。
中日各曬馬
9月 12日，中國政府派出的兩艘海監船抵達釣魚島宣示主權。日本政府就中國海監船駛入釣魚島海域向中方強烈抗議，日方強調海上保安官在釣魚島可行使警察權。 13日，中國向聯合國遞交釣魚島及周邊領海基線圖，藉此宣示主權。
反日暴動示威
9月 15至 17日，中國 52個城市出現了反日示威，部分城市更演變成暴動，部分示威者攻擊、搶掠、火燒日資店和日系產品。廣州等多個大城巿出現大量軍車及大炮，全國 30萬武警戒備。在香港，亦有 5,000名來自兩岸三地的華人和平示威。
日本夫婦遇襲
9月 18日，居港的日籍商人秋岡夫婦，在尖東海旁散步之際，突然遭跑步男盯上，質詢兩人是否日本人，然後狂毆逃去，事件震動日本駐港領事館。而警方亦加緊巡邏領事館、日本學校、百貨公司及食肆。
謝雪心 日本冇大將之風
「日本係戰敗國，佢唔尊重當時簽下 嘅條約，依家咁樣係冇大將之風！我暫時都唔會買日本 嘢，呢個係態度。中國同胞要表態，但唔好內訌，唔好做 啲傷害中國人、香港人 嘅事。」
林峯 全世界都睇住
「據我所知，二次大戰之前釣魚島已經屬於我 哋中國。全世界都睇緊我 哋對呢件事 嘅反應，件事會顯示我 哋國民 嘅質素。我 哋可以有好多 嘅方法去反映，反映俾政府、反映俾全世界人聽，等其他唔了解歷史 嘅國家，可以知道件事係點樣 嘅。」
阮兆祥 打仗影響經濟
「釣魚島係中國固有領土，呢點係事實，當然唔好用武力解決啦，大家都係愛和平 嘅人。呢個時勢，中國係唯一一個 喺經濟上有希望 嘅國家，如果要打仗，真係會影響到全球經濟。法拉講 嘅係事實，只係網上部分人比較激進。」
吳綺莉 中國應該強硬
「中國政府應該強硬少少去同日本傾。我唔會刻意反日，正如我揸緊 嗰架係日本車，我都唔會依家攞去燒！（法拉叫大家分析釣魚島屬於邊個？）咁得意……咪當宣傳囉！趙薇穿條國旗裙都俾人抵制啦！」
樊亦敏 避談日本書
「以前我 喺日本讀過書，我鍾意睇嘅書都會 喺微博介紹，但依家暫時唔會 post日本作家 嘅書，太過敏感。希望大家可以接受唔同 嘅聲音，唔 啱就要講出意見，法拉 嘅原意係好。」
松岡李那 我好傷感
「對於近日嘅風波，我都覺得好傷感，因為任何國與國之間嘅爭執，我都唔想見到。我好鍾意香港，我仍然會留喺度做嘢。」
王晶 唔用日本演員
王晶近日亦在微博揚言：「（日本）不退出釣魚（島），以後不用任何日本演員！」他又爆料，指日本男女星都唔對辦，男的外表正氣，收工卻要去夜總會；女星睇相就夠高，真人就大縮水。
多數華星唔賺日圓
正值保釣及反日高潮，不少華人明星都暫停到日本工作，中日混血的金城武更潛水，避談釣魚島誰屬。不過，亦有人選擇依合約辦事，好似徐若瑄及吳尊就繼續拍日劇。
李嘉欣 暫停宣傳
身為日本品牌 SKII代言人的李嘉欣表示：「仲有合約在身，但工作暫時會停止，大家合作狀態暫時休止住先。希望件事快 啲完結，唔好咁多人受到傷害。」
孫楠 取消獻唱
大陸知名歌手孫楠曾在上海演唱會期間高呼「釣魚島是中國的」，而後來孫楠亦宣布暫停東京站的演出。因取消這次演唱會，孫楠損失過百萬人仔。
羅志祥 唔見 320萬
小豬原定 9月尾在東京有兩場演唱會，現決定取消，估計損失最少 320萬港元。他表示在衝突未解決前，會全面停止在日本的工作。
梁朝偉 擱置拍日片
日本片商早前公布梁朝偉夥拍前田敦子參演日本影片《 1905》，梁朝偉即時被網友指他為漢奸。劉嘉玲出面力挺丈夫，指片商早在 09年已經接觸偉仔，又指拍片一事會無限期擱置。
李冰冰 堅拒赴日
李冰冰因釣魚島事件而缺席《生化危機》在東京的首映禮。李冰冰解釋：「我不喜歡爽約，但後來發生了釣魚島的事情，我就不想去日本了，謝謝片方的理解。」
徐若瑄吳尊 照拍《金田一》
雖然正值保釣及反日高潮，但徐若瑄及吳尊仍然繼續工作，上周來香港，夥拍「第四代金田一」山田涼介，為日劇《金田一少年之事件簿》拍外景。
.[忽然1周]評保釣出事 法拉遭網友插爆
http://hk8news-d.blogspot.com/2012/09/1_6062.html
