星悅居
莊思明 充電海景屋
2012年09月21日
做藝人個個都想多 job做，拍劇接廣告，愈忙愈有存在價值。
辛勞工作一天，回到家，當然想放下一切，盡情 hea嚇，休息嚇。
最近無 綫劇集《愛•回家》宣布添食至三百幾集，劇中演員莊思明呢幾個月有排忙，但佢自有充電良方：「屋企有個無敵海景，我放工返 嚟就會坐 喺度，同我隻狗仔玩嚇，簡簡單單就可以幫自己充電。」住 喺貝沙灣坐擁無敵大海景，絕對係人生樂事！
採訪當日，氣溫三十幾度，熱到爆。記者一心諗住入到 Lisa莊思明屋企定必冷氣大開放。勢估唔到，冷氣唔開不單止，風扇都冇開！不過開住大露台的落地玻璃門，成間屋勁通風，出奇地清涼。原來吹海風當真好過開冷氣，莊思明說：「呢度好好風，就算出面幾熱都好， 啲風都係涼浸浸，我同大家姐（莊思敏）最鍾意個露台，兩姊妹成日坐 喺度傾偈。」記者都不客氣站在露台感受一番，再來一個 deep breathing。嘩！真係好醒神，難怪咁多明星都 喺貝沙灣住啦！
私家狗竇
除咗芝娃娃外，莊思明還有三隻松鼠狗，採訪當日工人帶了牠們到附近大草地玩。相中的 bean bag，都是莊思明特意買給狗仔坐，「我一買返嚟佢哋就好鍾意，走上去不停跳，我自己都冇坐過。」
簡約大廳
有無敵海景露台，怎少得四正大廳。客廳擺放的傢俬簡約，只有簡簡單單的真皮梳化、按摩椅、茶幾及地櫃，客廳中央刻意預留相當大的空間，「可以俾我 啲狗仔走來走去嘛！佢 哋會開心 啲，我唔鍾意屋企有太多大件傢俬，感覺會好逼。」
其實莊思敏同莊思明兩姊妹住千五呎大屋，真係好難會有逼的感覺囉！不過她們有時也會逼埋同一洗手間內一齊化妝，「我 哋 嘅化妝品、護膚品都放曬 喺廳 嗰個洗手間度，一大堆 share用，有時大家差唔多時間出街，就會逼埋 喺洗手間化妝，好搞笑。」
閨房首曝光
莊思明也有她的私人空間，正是她的閨房。採訪前她講明唔想睡房曝光，不過在記者再三請求下，她終於答應開放其睡房，「我間房平時唔俾人入 㗎，因為好亂呀！我房 嘅雜物睇落好似四圍放，但其實擺位係有規劃㗎！梳妝枱一定會擺放我出街前 嘅隨身物件，好似太陽眼鏡、手錶、皮帶啦！方便我拎 嚟用嘛！就算間房多雜物，張 牀都一定要整齊，我每日 瞓醒會自己執 牀，唔會勞煩工人，呢個係我由細到大 嘅習慣。」雖然係大馬拿督女，自小又有工人服侍，但莊思明都好有手尾，絕對唔係有公主病的富家女。
玄關擺水兜聚財
屋內的玄關位放了一大碗清水，沒有魚，沒有植物，原來都係風水陣，寓意聚財，「聽家姐講，呢個係成間屋嘅財位，擺一大碗水有聚財作用，而且水要日日換， 衞生啲嘛！」
.[忽然1周]莊思明 充電海景屋
http://hk8news-d.blogspot.com/2012/09/1_1273.html
