忽然去片
出事㗎嘛！
2012年09月21日
媽咪姐成日都話，做人呢，最緊要知道自己喺乜嘢位置！好似今期睇片，見人妻 Toby（梁靖琪）只係去海南島拍外景啫，竟然無啦啦同雜食吳卓羲、人夫黃長興開意淫 party。唉，查實最初聽到佢哋只係猜嚇圍枚，點知就愈玩愈瘋癲， Toby已經著住超少布泳衣，仲喺班麻甩佬面前趷籮拋胸。最後，吳卓羲拖住佢手走㖭！媽咪姐無乜嘢好講嘞，有嘢都留俾 Toby個「富二代」老公黃敏豪講啦。
《忽周》睇真啲正片唔好 miss！
又哈囉喂喇！
唔怕話你知，媽咪姐不嬲對鬼節無乜感覺，因為一向覺得鬼點夠人恐怖吖！不過，講到玩呢，就隨時奉陪，好似海洋公園年年搞哈囉喂活動，我年年去㗎。講真吖，去得多，新鮮感係差啲。但睇片見呢兩隻戲院厲鬼都好專業喎，入去玩嚇同佢哋鬥嗌嚇先！
衞蘭聽得好舒服
衞蘭係媽咪姐一直睇好嘅歌手，可惜吖，佢條路總係一波三折，如果唔係早就應該上到天後位置。算啦！好多嘢整定嘅，就好似佢把靚聲咁，真係獨一無二，由以前到依家都令人聽出耳油。媽咪姐只係聽佢做訪問，已經覺得好舒服！仲有呀，衞蘭俾風筒吹住影相，面都歪埋咁滯，靚真係有代價囉。
.[忽然1周]出事㗎嘛！
http://hk8news-d.blogspot.com/2012/09/1_9403.html
