媽咪姐
曬你冷
2012年09月21日
《衝上雲霄 2》拉大隊去海南島拍外景，咁媽咪姐呢，就梗係唔執輸，「嗱嗱聲」執埋個喼，飛去睇星兼曬太陽，爽呀！不過，有好嘢，當然要開心 share，無論你 like女神猛男視後，定專注喺 8嚿腹肌 2條長腿 1條纖腰，都包你喺呢兩版搵得到，勁呢！睇完仲可以揭去 P.56八埋人妻 Toby（梁靖琪）同吳卓羲喺海南島嘅淫亂泳池派對，飽曬。
●岑麗香
神級示範
岑麗香喺《巴不得媽媽》騷胸淋水成名，即時榮升「宅男女神」，苟芸慧、高海寧都要讓路！嚟到海南島，同劇咁多女藝員，「香香公主」點會怠慢，求其擺個 pose，都有穀胸效果，加埋甜爆笑容。連蚊都忍唔住咬啖，索！
●胡杏兒
那年今日
本來胡杏兒一直喺泳衣外面笠件衫，但見個個女藝員都搏盡，為免輸蝕，佢亦除衫騷胸。媽咪姐好記性呀！仲記得佢 99年選港姐嗰時著 3點式， fit到爆！ 13年後嘅今日，又 keep得幾好喎。梗係！視後喺海南島都日日做 gym㗎。
●傅嘉莉
最新上市
做 model嘅傅嘉莉，有嫩版徐子淇之稱，唔知 friend咗邊個，成功拍到《衝上雲霄 2》，響劇中仲同胡杏兒拗手瓜，爭食吳卓羲哥哥。不過，你咁青春又靚女，小心真係俾人食咗！
●羅仲謙
胸不可失
誇張啲講句，如果無咗羅仲謙，媽咪姐去海南島都無咗一半意義。嘩！巨胸、腹肌、健臂、眼神樣樣齊，身上啲水珠仲閃令令㗎。呢一刻，媽咪姐好想做楊怡㖭！
誰是「豬肉佬」？
當羅仲謙次次騷肌現身，呢個人落親水都要笠番件背心！難道佢怕自己會凍親？望真啲，腰圓背厚肥肉加身，明顯「食嘢」唔揀擇，仲諗？吳卓羲是也。
邊個唔坐得？
做藝人真係時刻都唔可以鬆懈！你睇 43歲江美儀（右），戴帽又戴超，遮太陽又遮素顏，仲要坐到直一直，修腰兼收腩。但隔籬 31歲嗰位呢，明明瘦到似藤條，都坐出「三褶腩」！下次醒啲呀，胡定欣。
●翟威廉
A&F來了
早排 A&F一班紅褲肌男搞到中環同中女們立立亂。事隔一排，無綫代表翟威廉卻扮「紅褲仔」襲擊三亞。睇佢腹部一排朱古力肥瘦均稱，原來本土都有咁好貨色，媽咪姐梗係撐本土出品啦！
紙板可以煎雙蛋？
媽咪姐見到「藍莓」劉俐好似紙板一樣嘅側面，但佢忽然俯身拋出咪咪，真係忍唔住驚歎人體嘅奧妙，猶如喺荒漠起高樓，奇呀！
嘩！波濤「胸」湧，要小心唔好浸親先得！
.[忽然1周]曬你冷
http://hk8news-d.blogspot.com/2012/09/1_7477.html
