媽咪姐手帳
媽咪姐呢排追緊阿姐汪明荃嘅《荃加福祿壽探案》，對阿姐嘅造型同鬼馬演技，非常欣賞。嗱，世事就咁蹺，上周五（14號），大約六、七點左右，媽咪姐喺銅鑼灣利園門口見到阿姐！第一眼見到，幾乎認錯係範徐麗泰㖭。事關平時阿姐嘅衣着好潮㗎，但當日無論衣着同打扮都老咗十年。
媽咪姐本來想埋去同阿姐say hi，不過見佢有啲唔耐煩咁打緊電話，猛問對方﹕「你喺邊呀？等緊你㗎。」之後，呢頭收線，嗰頭已見家英哥架車出現。嘩，即call即到，又會快成咁？呢個「柴可夫」嘅速度絕對可入健力士大全。 ####
平時衣着都算yeah嘅阿姐，當日頭箍、眼鏡、頸巾、花裙，成個look似足啱啱開完「人大」咁款，老咗十年有多。
阿姐一企定即打電話催家英哥，仲一臉唔耐煩。吓，媽咪姐見佢企定唔夠兩分鐘咋喎。
阿姐一收線，即見柴可夫家英哥架車出現。快過穿梭機。
兩公婆，一軟一硬，中和番啦。
847期
