媽咪姐手帳
有人話發財立品，其實有錢定冇錢，做人都應該有品先啱。好似影後級人馬桂莉芙白德露咁，平日雖然少少臭寸，但為人尚算nice，人緣都唔錯。哈，唔知點解，上個禮拜佢竟一反常態，玩無品喎。
就上周初，桂莉芙喺紐約中央公園拍攝新作《Thanks for Sharing》。話曬係公眾地方，當時又冇封街拍攝，狗仔隊影下相又有幾奇！點知桂莉芙就係沉唔住氣，竟然坐上單車，一條氣駛向偷影佢嘅攝記，勢兇仲要夾狼，直頭想撞埋去一樣。好彩攝記哥哥眼明手快，即時起身讓路先幸免於難。唔係，有九條命都唔夠影後撞啦！ ####
我係影後，鍾意撞邊個就撞邊個。（設計對白）桂莉芙當日拍攝單車戲份，頭盔、運動衫準備充足。
點知佢休息中途，突然上單車直衝去狗仔隊嗰邊，完全冇意欲要煞掣。好在攝記哥哥影完都即刻讓路，不過險象環生囉。
第二日續拍，桂莉芙又突然心情靚靚，就算舉高腳熱身都任影唔嬲。
847期
