揞名爆
早兩日，媽咪姐黐行家順風車入大婆台。入環保大道等轉燈時，發覺「甫士王」架車喺隔籬。
入到大婆台，泊好車，先見到「甫士王」架車慢慢駛入嚟。媽咪姐即刻同行家講 ：「賓跑喎，竟然慢過你架錢七？」行家話：「『甫士王』一直以嚟揸車都係咁慢。記得有次，影城仲喺清水灣，同幾個手足喺影城門口等城巴出彩虹時，見到『甫士王』揸車出去。點知我哋搭嘅城巴出到坪石邨，『甫士王』架車竟然仲喺後面。當時有個手足就笑佢龜速行車，阻礙交通㖭。」睇唔出「甫士王」追女咁快手，唯獨揸車似慢軚蛇。 ####
插圖：映廷
847期
