娛一叮
梁朝偉以往拍戲例收二千五百萬人仔，眼見自己多年仍收原價，因此在新戲《聽風者》大幅加至三千五百萬人仔（折合港幣四千萬），單一套戲片酬，足以養起成隊小朋友。正當劉德華日前大鑼大鼓宣布拍攝翻版《無間道》時，原來偉仔今次新戲，九成情節亦與《無》相似，更由昔日《無》班底麥兆輝與莊文強操刀。日前，偉仔秘密在上海為新戲開工，其間不經意曬激凸「巨鵰」，似向宿敵劉華施下馬威。
梁朝偉在今次新戲中，除了依舊做臥底，更要越級挑戰做盲人。知情者透露：「套戲背景係講50年代上海，偉仔本身係警察，但就要做臥底加入黑幫，因為一次黑幫廝殺搞到盲咗。偉仔今次有好多動作戲份，佢講明會親身上陣。拍戲嗰陣佢要戴住副特製嘅白色隱形眼鏡開工，搞到成日標眼淚，仲試過發炎。所以佢今次要求加價，投資呢套戲嘅北京美亞電影公司，都認為嗌價合理。」
為電眼買重保險
盲俠偉仔在戲中會有一場手術後重見光明的戲份，由於有手術刀刺入眼皮的鏡頭，據知，電影公司特地為他一雙招牌電眼，買重過千萬保險，以防意外發生。同時，電影公司又起用偉仔力薦的周迅擔任女主角，飾演《無間道》劉華的角色，跟他於片中談情兼鬥智鬥力。據導演麥兆輝表示：「偉仔未戴過隱形眼鏡，預咗佢會戴得好辛苦。佢場手術戲，我哋仲研究緊點拍，原本諗住搵替身，不過偉仔就話唔使。」
巨鵰襲片場
上周六(15日)，偉仔以一身懷舊西裝造型，與女主角周迅在上海片廠開工。未到埋位時，偉仔全程匿在化妝間跟周迅對戲，直到導演麥兆輝及莊文強親自入房講解後，二人才步入場地準備拍攝。現場所見，偉仔去到邊都有十個工作人員築成人牆保護。就在偉仔漫步入片場之際，西褲下的影帝「巨鵰」，於陽光下若隱若現，引得現場粉絲們尖叫之餘，更有女fans仆上前要求跟偶像合照，可惜通通被「人牆」擋開。 拍至傍晚時份，偉仔才完成當日戲份離開，火速登上專車，直駛其下榻的酒店休息。觀乎偉仔的天賦異稟，操fit後的嘉玲，絕對有機會趕上生仔尾班車。
01年《無間道》叫好叫座（左圖），今年片商搶住翻拍，舊作有份擔正的劉華，冇咗偉仔換上城城做拍檔，於新片《寒戰》繼續鬥法。 ####
間諜造型曝光巨鵰驚現偉仔新片《聽風者》 的50年代間諜 造型首次曝光。裝束雖平凡，但偉仔不經意曬巨鵰，搶去不少注目度。
偉仔嘉玲早前高調拖手出席大寶法王法會，用行動粉碎一切婚變謠言，嘉玲更獲大師贈言有仔生。
十人圍牆貴為神枱級影帝的偉仔，出入有大班人傍到實，連去個廁所都 有成村人作人牆護「鵰」。
女版劉華周迅於片中跟偉仔同樣飾演間諜角色，兩人的感情關係錯綜複雜，鬥出真感情。
一姐少近身內地一線花旦周迅，僅得造型師及助手跟身，跟偉仔前呼後擁的境況相去甚遠。
盲人超跟身新戲劇情講述偉仔是一個聽力超強的盲間諜，因此盲人超經常不離身。
周迅與偉仔剛合作完爾冬陞執導的《大魔術師》，兩人因此片感情大躍進，偉仔更索性把她推薦給麥兆輝導演，任《聽風者》女主角。
得大師點化的嘉玲近日積極做運動養好身子。
847期
