大封面
借戀足減壓 爆森美抑鬱困擾三年
2013年01月04日
在電視愈撈愈掂的森美，由節目主持晉身劇集第二男主角，在新劇《法網狙擊》中又「全裸」又胸擊陳敏之，演出甚為搶鏡。人前人後霸氣十足、有「大哥」之稱的森美，近日被爆「戀足癖」，專影女藝人美腿上網。難怪被問完回應當日，平日罕有與一家人外出的森美，突然與老婆仔女高調一家親晚飯補鑊。
森美的「戀足癖」，原來與困擾了他 3年的抑鬱症息息相關。據精神科醫生表示，抑鬱症病人可透過「戀足癖」減壓，發洩抑悶。記者向森美求證，他死口唔認「戀足癖」，但卻承認自己有家族性情緒病，並患上專注力失調症，更表示︰「我睇醫生食緊藥。」
平日在幕前及咪前大癲大肺的森美，經常寸爆小儀及聽眾，不過原來他人前人後兩個樣。患有家族性情緒病的森美，因為同時患有專注力失調症，影響他記對白及度橋能力，令他經常無故發脾氣。
有目擊者於兩年前，見到森美戴住 cap帽， 孭住背囊到中環太子大廈的精神科醫生吳偉文醫務所求診。吳偉文醫生是商台 DJ填詞人黃偉文的同性密友，圈中甚多人幫襯，陳潔靈也是他的客仔。
12月 30日下午 3時，森美被記者質詢是否患「戀足癖」後，同日傍晚時分他揸車到新蒲崗接仔女全家到又一城食飯，但泊完車森美一支箭行先，冇理囝囝。
森美老婆殿後照顧仔女，兩公婆十分合拍。等位期間，老婆帶仔女去書店睇書，讓森美有寧靜一刻。
躁狂鬧人掃 枱
據商台同事爆料︰「森美個病唔少 DJ都知，有時佢會無端端發脾氣，鬧人唔在講，試過發忟憎，將 枱上面 嘅 嘢掃曬落地。個個見佢咁躁，都怕同佢合作，淨係得小儀忍到佢。見過佢 喺幕後兜口兜面鬧小儀冇腦。其他人為免遭殃，都對佢敬而遠之，仲稱佢做『大哥』，𠱁佢開心。」
周二（ 1日）晚，本「叱吒」慶功宴上，就森美患情緒病一事向他求證。他直認患上抑鬱症已 3年，現在仍去睇心理醫生及服藥。碰巧路過的朱薰亦笑住爆了句「佢係變態 㗎！」
忽：最近被爆有「戀足癖」，係咪有呢鋪癮？
森：梗係冇啦！我千幾張相裏面咁 啱有六、七張影到女仔隻腳。我都會話俾佢 哋聽、俾佢 哋睇，例如敏之咁，我冇偷偷地影。
忽：你兩年前係咪幫襯過 Wyman（黃偉文）個同性密友吳偉文，去睇精神科醫生？
森：冇、冇、冇，我係有情緒病，抑鬱症囉！我有睇醫生，係顏醫生。我有專注力失調症，好難集中精神，同埋幾年前有抑鬱。我仲有食藥，等於糖尿病咁，有 啲藥會 keep住食。醫生話係遺傳，食 咗幾年藥，開始慢慢好番。
忽：你情緒起伏好大，聽聞試過 喺商台掃跌 枱面 啲 嘢？
森：冇、冇、冇，冇試過。兩、三年前抑鬱時成日都唔開心、匿埋，好少見人呀！我諗你頭先所講 嘅係「躁狂」，躁狂我就冇，我係抑鬱。
忽：據聞同事稱呼你做「大哥」，希望你發脾氣時條氣順番？
森：黐線，你有冇聽過咁無稽 嘅 嘢。你問嚇成龍同洪金寶係咪因為發脾氣發得多，所以大家叫佢哋大哥？
忽：你咪前咪後都成日鬧小儀？
森：我 喺咪前就鬧小儀，咪後就佢鬧我，角色扮演 啫，等於小儀同金剛做節目，小儀成日都窒金剛。
忽：幾耐去醫生度覆診一次？
森：我冇覆診，醫生定期開藥俾我，穩定啲自己食藥就可以。
忽：有周刊指你冷落老婆，老婆詐曬型？
森：冇呀！邊有冷落老婆呀！我好多家庭生活。佢詐型係因為每次我有新聞出，佢都會俾人影。
少爺占︰我 哋好少溝通
「我見到佢（森美）勁講 嘢同勁開心！（佢冇乜朋友？）唔係喎，佢朋友咪係我囉，個個都叫佢大哥。（點解叫大哥？）我諗佢入行耐 啲啩。（佢成日同你溝通？） um……溝通呀？佢返早我返晏晝，我 哋好少溝通囉！」
朱薰︰成日 喺節目鬧人
「點解話森美變態，因為阮小儀話佢變態。我問小儀，佢話真 㗎，佢真係變態。（佢有冇躁狂？）冇喎，可能係節目需要。（佢係咪成日都鬧人？）佢成日都係（鬧人） 㗎啦！成日都 喺節目度鬧人，大哥 嚟 㗎嘛！」
被投訴停職
雖然森美指抑鬱症係遺傳，但患病 3年的他， 09年曾試過在電台節目《早霸王》，因為宣傳舞台劇重複讀《加樽抽》時，意外讀成粗口「家噸×」，事件搞到他與拍檔小儀齊齊出來道歉。而一向口沫橫飛的他， 06年亦曾因在電台節目《架勢堂》舉行「我最想非禮的女藝人」而被人投訴，搞到停職兩個月。
工作壓力大，誘發他患上抑鬱症，而森美亦自己知自己事，為免自己的情緒影響子女，他會與子女保持適當的距離。而他的太太亦好識做，不但體諒老公少陪自己，還全職做湊仔婆，令森美無後顧之憂。
「森美同老婆 Veronica係 DJ訓練班識，佢老婆知佢有情緒病，好遷就佢。森美都算黐家，但返到屋企唔多講 嘢 㗎，成日匿 喺房諗 嘢。佢老婆就係知道老公做 嘢壓力大，好識做，搞掂曬仔女所有 嘅 嘢，唔會煩到佢，又會叫啲仔女 喺屋企靜 啲，唔會嘈住森美。始終佢一個人擔起成頭家，每個月支出成十幾萬。」
而森美提起老婆都無言感激︰「我同太太識 咗 15年。佢好獨立，又忍受我嘅所有缺點，我好多謝佢為我放棄工作，專心湊小朋友。」問到係咪因為病而少陪子女，森美否認，只謂︰「我一星期五日都匿 喺屋企，我成個假期，聖誕同新年都喺屋企，我好多家庭生活。」
麥玲玲爆森美易忟憎
而與他交情不淺的麥玲玲，讚他是圈中乖仔之餘，透露他工作時很易忟憎︰「我一早知佢有專注力失調症，見過佢拍拍下 嘢，叫老婆攞藥俾佢。佢靜落 嚟諗太多 嘢。佢份人唔多 嘢講，又成日擔心自己前途，好焦慮主持 嘅生涯可以捱幾耐。見佢做 嘢好易忟，見到 啲人 hea會忟，反應慢都會忟。佢都話過我講 嘢快，有時聽到佢咿咿哦哦。其實森美係個多愁善感 嘅人。佢鍾意寫新詩。」
要克服專注力失調症，相信森美要比常人用多幾倍的努力，難怪佢穀到病！
網上曬腿相爆「戀足癖」
森美在自己的 Instagram中，拍下不少女明星長腿的 close up相，其中不乏拍戲的拍檔如陳煒及陳敏之，連小儀都不能幸免。
陳煒：
影腳可能係佢提神方法
「每次開工見森美都好眼 瞓，影腳可能係佢提神方法。其實佢開工時都無乜異樣，不過未埋位時比較靜。佢會重複背對白，不停講令自己記得。（有無覺森美難集中難專注？）唔覺，反而我覺得佢特別集中。」
陳敏之：
佢開工第一日講我知
「森美開工第一日就同我講佢個病，放飯時佢自己匿係架車內，我叫佢出來同工作人員一齊食飯，傾傾嚇佢都講自己有抑鬱症同專注力失調。我即同佢講，拍劇有正能量，一定無事，我仲寸佢邊有人抑鬱仲咁多 嘢講！」
阮小儀︰
咁佢真係鬧我 嘅
「我一路都知，醫生 check到佢係專注力失調，好彩佢靠自己 嘅勤力同努力逼自己。（佢成日喺節目鬧你？）冇……咁佢真係鬧我 嘅，但節目後我惡過佢。知道佢有睇醫生，係人都有脾氣 嘅，有時我火爆過佢。」
抑鬱會變戀足躁狂
根據精神科醫生顏思遠指出，「專注力失調症」多數的病人都是小朋友，其實即是過度活躍症，而小朋友患病時處理得唔好，病情會延續至成年。而抑鬱亦會引發躁狂症，兩者同時係情緒病。
顏醫生說：「情緒病有好多種，患者會同時有幾種，即係好似有糖尿就易有血壓高一樣。如果病人本身 嘅性格急，就會更易發脾氣，或者受壓力無處理，都會變成躁狂症。（會唔會掃 枱？）嚴重 嘅會有暴力傾向。其實從行為及情緒兩方面會反映出來，如大叫、鬧人、打人等行為。（抑鬱病人會否演變為躁狂症？）無直接關係，不過會失眠，造成惡性循環，人亦會鬱躁，繼而有上癮 嘅行為。（戀足癖算唔算？）其中一種，病人咁做係想令自己舒服 啲，減輕自己壓力。」
年賺 250萬
39歲的森美（梁志健）， 94年參加商台舉辦的 DJ選舉比賽而入行，去年勁賺 250多萬，今年他更計劃開棟篤笑。雖然搵得多，不過， 08年他以千萬購入廣播道嘉皇臺，加上要養兩部車（ 70萬平治房車及約 50萬的古董車），又要養父母同老婆仔女，家人生活開支每月起碼十多萬，生活擔子頗重。
.[忽然1周]借戀足減壓 爆森美抑鬱困擾三年
http://veryy8.blogspot.com/2013/01/1.html.[忽然1周]借戀足減壓 爆森美抑鬱困擾三年
http://veryy8.blogspot.com/2013/01/1.html
