博出位
自從有咗微博，fans想睇偶像嘅靚相同近況，上微博就最update。最近唔少藝人玩到冇嘢好玩，興起惡搞照片，將自己個樣以apps加工，搞到漫畫化，又或者加設計對白，睇完包你捧腹大笑。
蔡少芬發揮佢嘅搞笑天份，惡搞寶貝女楚兒，可憐B女被改造後變咗朱唇金髮娃娃，呢個阿媽真係爆。阿Sa（蔡卓妍）同William（陳偉霆）亦搞到自己鬼五馬六，高潮眼加鯉魚嘴，抵死之餘，仲創意十足。呢對無聊男女，襯到絕。
阿Sa 醒神絕招
最近阿Sa同阿嬌為登台周圍飛，去完美國又返大陸，每次返到香港都受時差影響。為咗做嘢時唔會瞓着覺，阿Sa不時扮鬼扮馬自拍，之後再用apps加工，整到自己有對卡通眼同紅嘟嘴。呢個醒神絕招，又幾得意喎！
William 自認無聊
薛凱琪可愛潛水員
薛凱琪喺騰訊微博經常有靚相上載。早前佢為新碟錄音，休息期間自拍完再加工，加咗個氧氣頭盔，化身成可愛潛水員。
房祖名設計對白
向來影相表情多多嘅房祖名，日前喺台灣同海獅海豹合照後，即自製設計對白，然後將照片上載騰訊微博，仲話要同兩隻海洋動物爭做model㖭！
蔡少芬整蠱B女
蔡少芬好鍾意幫囡囡影相，楚兒肥嘟嘟而且表情多多，仲遺傳咗媽咪嘅搞笑天份㖭！呢張伸脷戴黑超惡搞相，都係蔡少芬嘅傑作。
蔡少芬成日幫8個月大嘅寶貝女楚兒影靚相放上新浪微博，之前影咗老公張晉同阿女作狀摔交相已經夠爆。最近佢再惡搞阿女，將佢變成尿片袋BB（圖）同金髮紅唇椰菜娃娃。Ada話犧牲阿女色相，都係想大家開心咋！
黃曉明凍到變樣
型仔黃曉明最近喺山西拍戲，當地天氣非常寒冷，但佢嘅戲服就好單薄，導演嗌cut機，佢就匿喺車廂上取暖。無聊中黃曉明都玩自拍再惡搞，加咗鬚根、黑眼圈同埋應景嘅落葉，真係凍到變曬樣囉！
欣宜花面貓
欣宜晚晚夜瞓，搞到有對熊貓眼，呢晚佢瞓前敷eye mask，唔想以真面目示人，惟有加工張相，變成花面貓。其實欣宜講到自己對黑眼圈咁勁，可能唔加工都效果十足呢？ ####
阿Sa在新浪微博加工多張大頭相，仲自稱「無聊Sa」。
我哋係惡搞男女！（設計對白）
每次影相都chok住影嘅William，為配合女友阿Sa，亦大玩惡搞相。本來佢打曬呔好斯文，加工後面目全非，仲扮喺車廂內飲酒，有醉駕之嫌喎！
847期
