媽咪姐手帳
HotCha兩女Winkie同Crystal啱啱喺印尼峇里返港，此行本來係幫雜誌影相，可惜撞啱當地發生6.5級地震，嚇到佢兩個鼻哥窿都冇肉，拿拿臨執嘢走人。已經離隊嘅Regen，就好好彩逃過呢劫。
Crystal講番當時情況都話怕怕︰「當時我哋着住比堅尼喺沙灘影相，聽到雞啼聲好怪，跟住見到啲屋喺度搖，啲浪又好大，真係好驚有海嘯，梗係走都走唔切啦！」
雖然返到香港知有記者喺機場接機，兩女出嚟見記者前都特登執正個樣。但可能走得太匆忙，驚魂未定，兩女就算化咗妝依然眼腫腫。Crystal仲撞到隻腳瘀曬兼有幾條刮痕，最驚嘅係佢啲腳甲，甲油甩得一岩一巉勁礙眼，輪到媽咪姐驚魂未定囉。 ####
眼腫
兩女驚到成晚瞓唔着，難怪化行妝都眼腫腫。
走得快好世界！（設計對白）
另一成員Regen早前離隊出外留學，今次印尼地震，冇佢份。
爛腳
甩甲油
Crystal隻腳又瘀又有傷，兩女嘅甲油甩到一忽忽又真係好醜怪！
847期
