2011年10月21日 星期五

[忽然一周.直接睇]李丞責機艙熱辣辣




媽咪姐手帳

李丞責自8月被本刊斷正同09年港姐冠軍劉倩婷同車拍拖後,唔夠一個月就承認戀情,仲頻頻一齊外遊㖭!早前, 就有二五由北京返港,撞正丞丞師傅同冇化妝嘅劉倩婷。



佢哋喺商務客位勁癡纏,又攬又咀,二五睇到眼凸,忍唔住喺facebook大爆佢兩個喺機艙kiss kiss,當其他人冇到。媽咪姐打個電話再次恭喜丞丞師傅,佢亦大方承認同女友遊北京:「我係去完北京。(有人見到你喺機艙錫錫喎!) 冇呀!呢啲唔講喇!」丞丞師傅,咁下次錫錫就要返屋企先喇! ####



你哋唔抵得我哋咁Hot啫!(設計對白)



有二五喺facebook大爆李丞責同劉倩婷外遊後返港,仲公然喺機艙內親熱,初戀一樣呀!



早幾日,喺銅鑼灣見到劉倩婷行街,行唔夠兩步,就企埋一邊send訊息。發現記者,即匿埋角落講電話,然後上咗當日被影到同李丞責「同車」 嘅Benz極速走人。咦,乜唔係轉咗做「地上情」 咩?




847期