媽咪姐手帳
「玩具大王」蔡志明之子蔡加讚同汪圓圓拍拖唔夠一年，感情好到打風都打唔甩。星期日晚（16日），媽咪姐見到佢哋喺機場撐枱腳食漢堡包。仲以為佢哋飛去第二度預支蜜月㖭！點知圓圓係專登嚟送男友機。
呢對小情侶全程連體，食嘢手拖手，check in又攬到實，最後仲依依不捨錫完再錫。雖然身邊有兩名保鑣實，但佢哋依然熱情如火，當旁人透明。不過， 女友走咗，蔡加讚竟然會合另一名靚女，仲一齊去揀旅行插頭。睇真啲！原來係佢家姐蔡加怡，有家姐同佢一齊飛，圓圓應該放心曬啦！ ####
拖拖
蔡加讚同汪圓圓喺機場漢堡包店內食晚餐，兩人全程對望甜到漏，仲不時手拖手，唔使食都飽啦！
攬攬蔡加讚check in時不忘攬攬圓圓，完全係旁若無人。
錫錫兩名保鑣貼身保護，但一對小情人臨別前，攬足5分鐘先goodbye kiss。
蔡加讚飛前爭取時間同女友食飯，拍完拖再喺禁區內會合家姐蔡加怡。
847期
