媽咪姐手帳
要數豪邁奔放，其實唔一定係男士嘅專利，女仔一樣得。日前胡杏兒、李詩韻、王浩信到馬鞍山烏溪沙青年營拍新劇《換樂無窮》外景。由於新界地方，特別多小昆蟲，為免餵蚊，李詩韻未埋位前狂噴蚊怕水，愈噴愈大動作。身穿火紅色低V背心裙嘅佢，先𠌥低身猛咁向小腿噴，微露事業線；再趷籮噴吓大髀仔，噴吓心口，連腿上嘅性感襪帶原形畢露都懵然不知，益曬街坊。
另邊廂嘅胡杏兒亦一啲都唔執輸，大庭廣眾伸手入白色恤衫整咪。雖然有黑色打底啫，但現場有其他演員，有場務有臨記，營裏營外又有晨運叔父喺度嘢。杏兒咁豪放，唔知佢喺Bosco面前都係咪咁呢？ ####
李詩韻唔怕醜喺室外噴蚊怕水。佢噴咁耐街外人就望咁耐，相當香艷。
李詩韻為怕被蚊針，噴到一身都係蚊怕水。佢仲不避嫌𠌥低身噴小腿，露出事業線。
佢之後趷籮再噴，大腿襪帶整條露咗出嚟。
胡杏兒揪高件恤衫，整埋入面嘅咪。不過舉止豪邁，連入面件打底衫都見埋。
除咗工作人員，拍攝場地仲有好多晨運客。呢位健碩叔父就霸定好位，實杏兒（紅圈）。
847期
