子珊被高Ling借殼 失勢
徐子珊與楊怡成今年視後大熱，昨日二人一同出席活動，兩邊都有粉絲盡顯阿姐風範，但徐子珊有是非纏身，傳聞「殼王」陳國強對高海寧甚為看重而令她失勢，子珊就指一切如常，不信傳聞。
今年兩位被視為視後大熱嘅楊怡同徐子珊，昨日到尖沙嘴出席活動，子珊低胸裝加500萬鑽飾，十分搶鏡，但卻不慎露膠紙邊；而楊怡亦戴上300萬的鑽飾互閃。對於今年視後之爭，二人指是良性競爭，見面不會尷尬，稍後二人仍有很多活動同場，但昨日活動兩邊粉絲各佔位置撐偶像。
■前晚台慶夜，子珊（紅圈示）與高Ling（藍圈示）同台，子珊竟離奇露出藐爆表情。
楊怡跛住出現
有傳高海寧受陳國強寵愛，工作人員私下更稱高Ling做「老闆娘」，徐子珊因此而失勢，她說：「關於我之前嘅傳聞唔係真，最近工作都好多，一切如常，之前同高海寧合作，同事都係叫佢高Ling，我唔信呢啲傳聞，睇到報道話佢高我一cup，其實佢點止大我一cup。」而同場曾志偉亦表示不信傳聞。
■無綫新老闆陳國強（右）與王雪紅（左）出席完台慶後離開。
另外，前晚楊怡缺席無綫台慶，她解釋因之前腳傷未癒故在家睇台慶，已通知公司，問可擔心有影響，她說：「唔會，兩回事，我會積極拉票，到時我一定出席，如果有獎，我跛住都上台攞。」
採訪：王連連
攝影：陳順禎
【今日我至搶】子珊傳被高Ling搶走殼王的寵愛位置，好彩佢出席活動時戴番500萬鑽飾，搶番唔少風頭。
■楊怡腳傷未癒，缺席台慶，昨日亦要由人扶住出席活動。
上一則:林峯恃寵生驕 拒合照
下一則:鍾采羲曬胸袋十萬
.子珊被高Ling借殼 失勢
http://hk8news-e.blogspot.com/2012/11/ling.html
