真面目
搵水泡 劉謙玩厭 李蘊速釣渣打高富帥
2012年11月21日21歲 𡃁星李蘊（ Renee）， 4個月前曾喊住宣布跟比她大 15年的台灣著名魔術師劉謙分手，有傳已玩厭李蘊的劉謙，已將溝女陣地轉移大陸，搭上 26歲內地模、「厲家菜第三代傳人」王希怡。
前度速食內地模有相斷正，李蘊亦唔執輸自爆有新歡。本刊收到可靠消息，指李蘊最近撻著年約 28歲、現於渣打銀行廣州分行中小企任理財業務主管的金融才俊羅章冠。 2人蜜運 2個月，新歡高富帥比劉謙高大後生靚仔，加上冇語言隔膜，李蘊好識揀！
去年 7月，李蘊被爆與身家逾 2,500萬的台灣神級魔術師劉謙於 TVB節目《魔法擂台》邂逅，拍拖半年後，二人因經常分隔兩地，加上言語隔膜濃情轉淡，直至今年初，二人由一日通幾次電話，變為幾日一 call，不過致命傷據知是一向食女無數的劉謙已對李蘊生厭，最後兩人感情只維持 11個月，今年 6月分手收場。
11個月玩完
李蘊與大自己 15年的劉謙，上年於無綫節目《魔法擂台》認識後火速撻著，上年 7月李蘊更人肉速遞過台灣搵男友陪自己度生日， 2人於台北 101撐枱腳時被當地記者撞破，戀情正式曝光。台灣《蘋果日報》圖片
自爆有新仔
識玩魔術氹女的劉謙當然不愁寂寞，最近就爆出他使出魔術手溝掂在中國內地極著名的「厲家菜」傳人，兼現年 26歲在大陸做模特兒的王希怡，早前 2人被影到於北京密會撐枱腳，女方更用名貴房車接載劉謙，飯後再由男方揸車一齊返歸過夜。
劉謙有新女，童顏歌星仔李蘊亦唔輸蝕，上週出席活動時，李蘊向記者自爆開始新戀情，還強調新仔是圈外人，保持低調。
據知李蘊的新男友叫羅章冠（ David），是廣東南海人，現約 28歲比李蘊大 7年，現於渣打銀行廣州分行任職理財業務主管，從事金融事業的 David大把前途，記者更從他的微博發現， David唔只身形高大，而且斯文靚仔，還熱愛運動，網球、高空跳傘、又坐熱氣球，在江西財經大學讀國際金融碩士的他常周遊列國，被朋友稱為「羅總、高富帥」。
人肉上廣州
消息指，李蘊與新仔 2個月前經朋友介紹認識，一拍即合，女方更常在朋友面前讚 David。「 Renee話 David好用心愛佢，好 care佢，兩個傾電話傾唔停，又狂發 sweet短訊， Renee好重視呢段情，每逢有空檔，即搭火車上廣州見男友，戀愛大過天。」知情人士透露。
秘戀金融才俊，記者上週六（ 17日）致電李蘊，她就扮傻默認：「你點知㗎？其實佢（ David）係我一個好好嘅朋友，人哋係圈外人好低調，你哋唔好搞佢啦。」雖說只是好朋友，但李蘊笑住讚 David：「佢（ David）人品好，仲做好多善事，好有善心㗎！」
本週一（ 19日），記者亦致電於渣打銀行廣州分行工作的 David，聽到記者問有關與李蘊拍拖一事， David先愕然幾秒，之後禮貌地用廣東話說：「唔好意思，工作以外嘅事我唔會講，我唔會回應㗎，唔好再打嚟騷擾我喇！拜拜！」
難得搵到個絕種好男人，李蘊睇實啲喇要！
火車站講歷史
既然有 LEGO大火車，又點少得火車站！原來呢個 LEGO火車站入面，擺 咗 80年以來 嘅介紹同珍品。 喺個歐陸 feel嘅火車站入面睇展覽，真係好有生活態度，記得入去望望。
靚攝 tips：咪貪心
聖誕村入面有多間屋仔，想同成間屋合照，咪貪心企到埋一埋，咁會搞到自己勁細粒。
歐陸聖誕風
大富翁願望
大富翁華麗聖誕盛會@KCP
日期：即日至 2013年 1月 2日
時間： 10:00am至 10:00pm
地點：九龍城賈炳達道 128號 KCP商場 B1樓層大堂
查詢： KCP（ 2718 6320）
甜蜜薑餅人
甜蜜聖誕樂繽紛@Citywalk
日期：即日至 2013年 1月 1日
時間： 10:00am至 10:00pm
地點： Citywalk荃新天地地下花園廣場及高層地下中庭
查詢： Citywalk（ 3926 5700）
.[FACE]搵水泡 劉謙玩厭 李蘊速釣渣打高富帥
http://hk8news-e.blogspot.com/2012/11/face_9183.html
