2012年11月21日星期三

[FACE]護士抱抱　扭籮露底　阿 Sa制服色誘伊健

Konichi wa！（你好！）真實對白 <br><br>你著成咁，咪又係想問我攞錢！真實對白 <br><br>做大學教授的鄭伊健超古板，相反阿 Sa大唔透，為咗問伊健攞錢交租而玩制服誘惑，可惜老公唔領情，即刻踢爆阿 Sa詭計。

真面目

護士抱抱　扭籮露底　阿 Sa制服色誘伊健

2012年11月21日

同 27歲陳偉霆拍拖兩年的阿 Sa蔡卓妍，雖然男友比自己細 3年，但兩人打風打唔甩，最近又被影到孖住返九龍塘浪漫慶祝生日。

現實鍾意玩姊弟戀，在新戲《我老公唔生性》中更挑戰高難度，阿 Sa要同大自己 15年的鄭伊健做夫婦。為氹老公畀家用，除要出賣美色，扭曬籮跳鋼管舞，更要著護士衫玩制服誘惑。咁鬼香艷，唔知威廉陳有冇福欣賞呢？

10年前的《我老婆唔夠秤》，由當時得 20歲的阿 Sa配 35歲鄭伊健，事隔十年，兩人竟然冇乜走樣，在續集繼續老夫少妻。

放大圖片

伊健鍾意食 Tiramisu，阿 Sa專登整畀佢食，但見伊健扁曬嘴，睇怕都唔慌成功！

放大圖片

阿 Sa一心想同伊健生 B，但對方零反應，同現實一樣唔願做老豆！

放大圖片

勁趷 <br><br>冇正式學過鋼管舞嘅阿 Sa，全靠睇片自學，但正式埋位時扭得似模似樣，連高潮樣都交到足！

勁趷

冇正式學過鋼管舞嘅阿 Sa，全靠睇片自學，但正式埋位時扭得似模似樣，連高潮樣都交到足！

放大圖片

喪擘

噴血魚網絲襪

為氹伊健開心，阿 Sa經常要扮鬼扮馬，其中一場要著住魚網絲襪同護士制服，用美色換家用。

護士衫包到上頸冇嘢睇，另一場鋼管舞就噴血得多。該幕講伊健生日，阿 Sa為令老公有驚喜，苦練鋼管舞色誘對方，全程落力扭腰趷籮，加埋個引死人的高潮嘴，睇到伊健眼到唔眨！齋跳未夠喉，阿 Sa更用力過度扭親，用嗲聲姣叫：「老公，我扭親條腰呀！」

露底唔清場

極少性感演出的阿 Sa，拍戲多年第一次跳鋼管舞，雖然連黑底都露埋，但阿 Sa都冇要求清場。「場戲係夜晚拍，我嗰日下晝狂睇有關 pole dance嘅片，去到片場導演又畀咗我睇，叫我跟住跳，兩 take就搞掂！不過伊健好似唔多欣賞，我問佢跳得好唔好睇，佢拉長曬尾音話：『都幾好睇，你咁努力我都好 appreciate！』好勉強囉！」

連阿 Sa跳鋼管舞都唔興奮，唔通蒙嘉慧平時玩得仲激？