封面
《名媛》花旦版 殼王點燈 高海寧踢徐子珊出宮
2012年11月21日今年 6月，本刊踢爆 25歲無 綫「咪神」高海寧，飛甩旅行社太子爺 Andy，黐掂富豪搬金居，真正飛上枝頭。
除了身光頸靚，豪換 30萬寶馬新車外，高 Ling更忽然受無 綫力捧，今年已拍攝 5套劇集，拍得住楊怡、鍾嘉欣等花旦。原來，半年前高 Ling已被無 綫老闆「殼王」陳國強點燈，成為新一代殼女郎，踢走徐子珊坐正，更有幕後人員爆料，指高 Ling的新花名叫「老闆娘」，電視城內個個忌佢三分！
細 7年大 1 cup
綵排時面阻阻，到正式開騷，子珊同高 Ling依然零溝通。話曬高 Ling細子珊 7年，只得 25歲，身材又勁啲，大敵當前，子珊當然冇笑容啦！
入行前經常蒲吧的高海寧，性格豪爽加上胸前偉大，出道不久已成為高登女神，講明擇偶要求是「高帥富」，高 Ling心頭很高，更曾直言「做極都養唔起全家」，所以一班不屬富豪級或富二代的小生，她當然看不上眼。即使去年初認識旅行社太子爺 Andy（丘至剛），都滿足不到高 Ling向上爬的慾望。
私下叫「老闆娘」
知情人士說︰「高 Ling份人好目標為本，所以入行咁耐，都只係黐 啲姐仔玩，花 𡃁仔真係埋唔到佢身，最近 TVB入面個個都講緊佢，除 咗突然爆騷外，聽聞佢同殼王行得好埋，監製想有劇開？唔該搵個角色畀佢先。」
一向以胸掛帥的高 Ling，早前在訪問中，暗示不用再靠露，而過往角色多數做「小三」的高 Ling，直至《天梯》三姨太一角，終於有機會從良，仲一嘗「做戲」滋味。知情人續說︰「個角色擺明係益高 Ling，明眼人睇到有曬部署，幕後有人私底下叫佢做「老闆娘」，家嚇無論飲食、遊戲、旅遊節目，實有高 Ling份，入到屋易搞好多，仲使露咩！」機會大增，高 Ling亦即刻斬纜，向 Andy提出分手；反而徐子珊就與小生緋聞傳唔停。
05年，由葉璿開始，殼王先後和郭羨妮、佘詩曼和近年的徐子珊傳緋聞，殼王口味亦似乎愈來愈後生。而兩位先後被點燈的女星，竟安排在本週一台慶同一環節表演。徐子珊更要拍住高 Ling、黃智雯、朱晨麗、岑麗香等新紮姐仔合作，似有點降呢。
「子珊演技好過我」
知情人士說︰「子珊點會放高 Ling在眼內 吖。就快頒獎禮，子珊係大熱視後，點敢喺呢個時候扭計？大家都睇實呢台戲。」高 Ling除了跟苟芸慧及龔嘉欣等大跳勁舞外，更會跟徐子珊合演《女神愛上網》環節，高 Ling在台慶擔綱 3個表演環節，成為女藝員之冠，錫到出面。
本週一（ 19日），記者於台慶舉行前夕問高海寧與殼王緋聞。
F：《 FACE》高：高海寧
F：聽講你最近成為殼王新寵？個個叫你做老闆娘？
高：嚇？邊個講？我都未見過佢……我意思係我唔識佢，呢個傳聞太荒謬。高老闆？我打工 㗎咋，邊有人咁嗌我，我 𠵱家叫高 Ling。
F：你今年巴閉啦，又多劇拍又多活動。
高：係添哥（李添勝）搵我，其實我 function少 咗……多 嘅係苟芸慧同岑麗香。
F：同子珊熟嗎？
高：我哋排呢個表演項目，排 咗成個月。
F：你後生過佢，身材好過佢喎？
高：（得戚笑）但佢演技好過我喎！
《名媛》真人版
電視劇《名媛望族》中，飾演太平紳士兼華人大律師的鍾卓萬有 4個老婆仲唔夠喉，最後仲因為睇中賈曉晨（ JJ）而激走四姨太楊怡。咁蹺， TVB大老闆陳國強（殼王）曾多次跟唔同姐仔傳緋聞，最離奇嘅係呢班姐仔，大部分都係電視劇內唔係遭強姦就係被淩辱，唔通殼王想磨練嚇呢班愛將嘅演技？
個個被姦先好笑
二世祖施暴
明年上映的新劇《法網狙擊》內飾演見習檢察官，被飾演二世祖的白健恩強姦。白要對高 Ling又拉又扯，更要打開高 Ling幾粒衫鈕，畫面應該幾震撼。
輪姦一秒
於《雷霆掃毒》內被李家鼎為首的黑社會成員輪姦，可惜輪姦鏡頭只有一秒，而且並冇埋身肉搏，被高登網民大彈「冇料到」！
婚前搞過
《盛世人傑》中，李香琴曾因媳婦郭羨妮「汙糟」而阻止兒子鄭則士娶郭羨妮，暗示郭羨妮被其他男人「搞」過。
好在冇開劇
於 05年被發現跟殼王喺北京孖住夜蒲，其間葉璿主動拖住殼王去舞池同對方大跳辣身舞，事後二人更前後腳返酒店。如果葉璿冇離巢，分分鐘都有被姦戲喎。
養起全家
於南京山生嘅高海寧，原名沈江莉，自小父母離異，高年幼時隨母親來港，之後母親再嫁，高海寧便跟繼父及弟弟同住，其母及繼父現仍於女人街擺檔賣首飾，家住旺角舊樓。高 Ling講過要努力工作改善全家人生活，但據知她已搬離旺角屋企進駐豪宅。
高 Ling爆 job
子珊攻視後
踏入 2012高 Ling忽然工作激增，除有 5套劇喺手，最近臨危頂遭腰斬《爆足一周》嘅蘇民峰節目《順峰順水》又有佢份，加埋即將開拍嘅賀歲電影《我愛 HK 2013恭喜發財》，簡直爆曬 job。而徐子珊今年就貴精不貴多，一心拍好《雷霆掃毒》爭視後。
電視劇：
《當旺爸爸》
《拳王》
《回到三國》
《天梯》
《法網狙擊》（未播映）
電影：
《我愛 HK 2013恭喜發財》
節目：
《順峰順水》
電視劇：
《雷霆掃毒》
《拳王》
《仁心解碼 II》
《戀愛季節》（未播映）
電影：
《我愛 HK 2013恭喜發財》
.[FACE]《名媛》花旦版 殼王點燈 高海寧踢徐子珊出宮
http://hk8news-e.blogspot.com/2012/11/face_21.html
