2012年11月21日星期三

[FACE]玩大咗　捲勾人老公捉姦疑雲　焦媛：邊有時間搞男人？

等我問嚇高志森先　真實對白 <br><br>上週六，焦媛睇到網上呢一段文字後一臉錯愕，又稱可能因高志森的國教言論，令自己都俾人鬧埋一份，她更向記者說會叫高志森回應，但至週一截稿前，兩人卻冇回音。

真面目

玩大咗　捲勾人老公捉姦疑雲　焦媛：邊有時間搞男人？

2012年11月21日

98年焦媛與剛離婚的高志森撻著，當年有傳焦媛做第三者導致高志森離婚，令這段相差 18年的忘年戀一直有陰影，幸好兩人拍拖 13年一直恩愛，高志森更打算出年 4月迎娶焦媛。

剛傳出好事近的焦媛，近日卻被人在 YouTube上瘋狂留言，唱焦媛用「藥」勾人老公，迫死正室，更講明「做鬼也不放過她！」無啦啦被指搞人老公，焦媛則淡定說：「我日日要排戲，邊有時間搞男人吖？」

放大圖片

下年再娶 <br><br>焦媛與高志森由最初不被看好，至近日高志森打算出年迎娶焦媛成第二任老婆，拖足 13年終於有結果。《蘋果日報》圖片

下年再娶

焦媛與高志森由最初不被看好，至近日高志森打算出年迎娶焦媛成第二任老婆，拖足 13年終於有結果。《蘋果日報》圖片

放大圖片

近兩星期，每日都有人在 YouTube不同短片的留言欄內留言，內容清一色話焦媛勾人老公不得好死咁話，乜基督徒唔係宣揚和平㗎咩？

36歲焦媛同大佢 18年的高志森拍拖 13年，雖然當年外界都認定焦媛是第三者，連高志森的兩個寶貝女都指焦媛破壞佢哋家庭，但仍無損二人感情。

教徒捉姦

近日本刊發現在 YouTube上各新舊短片留言位置，出現了大量講焦媛勾人老公及詛咒她的留言，內容指焦媛用「藥」迷姦和勾引其教友的老公、迫死正室、又指在捉姦地方發現她的衣服等，只是全部留言冇交代詳細內容及證據，而本刊亦試過聯絡發帖的留言者，但一直未有回覆。

網上留言勁，而據一些話劇界的行家透露，相關傳聞亦曾於話劇界內盛傳。上週六（ 17日）本刊就留言問及焦媛，佢笑住回應：「唔知發生咩事，我日日要排戲，邊有時間搞男人吖，每日要排 2套劇去到出年 5月。我覺得好意外，有人咁寫我！（有冇得罪人吖？）應該冇，日日都係對住劇團嘅人，佢哋都係跟住我，有我都知啦。（會唔會係高志森得罪人？）高生之前因國民教育單嘢，好多人鬧佢，仲鬧埋我，有可能係佢得罪人喎，等我問嚇佢先！我同高生𠵱家感情好好，仲有諗過結婚。因為我同佢都好忙，都要忙到出年，過咗先算！」俾人唱勾佬都咁淡定，不愧學藝出身！

放大圖片