同你吟一吟
星期一（十日），楊千嬅為下個月响Star Hall舉行嘅音樂會做宣傳，婚後幾乎每次見到記者都講生仔，加埋老公丁子高公開閨房有曬九招十二式在手，只要老婆得閒，晚晚都唔會偷懶，但千嬅就否認呢個係懷孕前最後一騷：「如果係last show，公司一定有咁大搞咁大，去大球場去機場開啦！」
個肚未有聲氣，千嬅依然積極，做運動兼戒埋每日必飲嘅咖啡。點知是日記者會用咖啡代香檳祝酒，機不可失，千嬅一啖又一啖，仲叫記者咪踢爆佢破戒。明目張膽成咁，點講大話呀！
####
千嬅見到杯咖啡，一打開蓋聞吓陰陰笑，之後飲完一啖又一啖。
祝酒儀式以咖啡代香檳，千嬅可以飲多round。
次次見到記者都係講生仔，就連開記者會，都安排小妹妹同佢出場，搞到丁生丁太好似發B寒！
1127期
