同你吟一吟
梅艷芳部分遺物早前經拍賣會公開拍賣，款項撥歸遺產管理基金，部分作為梅媽生活費，但事後阿梅大哥梅啟明認為遺物成交價過低，嘈曬。
星期一（十日），阿梅48歲冥壽，梅媽同梅啟明母子call記者去阿梅壽山村故居做show，因為屋苑管理員唔放行，最終梅啟明報警，話要告人爆竊，又話要懸紅十萬搵番阿梅啲失物。梅啟明浪費警力，梅媽又成日同阿梅遺產管理人打官司，嘥錢！兩母子搞咁多嘢，無非係要趁梅媽在生，搾得就搾！事關梅媽百年歸老，梅啟明就鬥零都無，唯有不停玩嘢。 ####
趁住阿梅冥壽，梅媽母子call記者報警大龍鳳。
1127期
