陳智燊擇偶最緊要啱傾
陳智燊嘗試過當男主角滋味，他坦言現時拍劇對自己的要求會更加多，幸而身邊都有如黎耀祥這類有心的前輩肯施教、指點，令他獲益良多。說到感情，他指沒有人是完美的，故最緊要是互相溝通得到。
陳智燊（Jason）於劇集《幸福摩天輪》中首次擔演男主角，雖然最初拍攝時Jason坦言都會緊張，但之後與鍾嘉欣都有了默契，拍劇經驗不算太多的他表示以前會顧著背對白，會忽略了表情及動作，故不斷提醒自己注意，幸而身邊現時都有不少有心的前輩會提醒自己。
Jason謂：「我依家同祥仔（黎耀祥）拍緊《傳愛事務所》，喺佢身上我真係學到好多，平時嘅我以為只要背熟、記熟劇本就可以入廠，不過我見祥仔做咗咁多年戲，佢嘅劇本上都標記咗好多嘢、做咗好多功課，依家自己都有跟佢做，真係冇咁亂。」問他有否打算去拜師學戲，他謂：「我都有諗過，不過我覺得邊做、邊學係最好嘅。」
黎耀祥每次拍劇都做足準備，難怪Jason會向他偷師！ 
首次擔正的Jason雖緊張，不過慢慢與鍾嘉欣培養出默契。 
Jason不介意與宋熙年傳緋聞，順便當作宣傳。
唔介意有緋聞
之前，Jason不時與宋熙年傳緋聞，他受訪時再次否認，更坦言不介意緋聞，他謂：「咪當宣傳囉！不過當然最好唔影響形象，（現時有否拍拖？）冇，之前請咗個多星期返英國探患有老人癡呆症的嫲嫲，佢間中都會問我感情問題，反而爸爸、媽媽只會問我工作。」Jason於外國長大，但問到喜歡外國女仔還是傳統中國女性時，他表示只要文靜、孝順、有愛心，不論何地的女仔都無所謂，他又笑言：「以前我個女朋友都係呢類型，不過人係冇完美的。」
他又表示這一行的人多數都較主觀，而自己屬於固執一族，故都不會找圈內人做女朋友，不過他又謂：「不過有時啲嘢未試過又唔知嘅，最緊要大家溝通到、傾得埋，我知做呢行嘅人好難畀到另一半安全感，始終女仔都會易呷醋，不過我覺得若然自己真係拍拖，我有信心會畀到安全感另一半呢！」
.陳智燊擇偶最緊要啱傾
http://veryy8.blogspot.com/2013/01/blog-post_2795.html.陳智燊擇偶最緊要啱傾
http://veryy8.blogspot.com/2013/01/blog-post_2795.html
