2013年1月11日星期五

陳茵媺咖啡伴侶

2013年01月11日

呷一啖咖啡，大家會諗起咩？媽咪姐就會諗起三、四十蚊杯唔劃算，又或者難以入口嘅苦澀味。不過豪嫂陳茵媺就唔同，佢呷每一啖咖啡都特別香甜。

早幾日，媽咪姐喺將軍澳電視城撞到啱啱收工嘅豪嫂，佢一踏出電視城半步，已即刻打電話，講電話時又不時甜笑。媽咪姐仲發現佢俾男友感染埋，齊齊愛上嘆啡！事關豪嫂要帶定私家咖啡杯開工，佢呷一啖就自自然然諗起男友磨咖啡嘅情景，唔醒神就假。

呢個私家咖啡杯意義非凡，陳茵媺當然一刻都不能忘啦！

Honey，我哋係名副其實嘅咖啡伴侶呀！（設計對白）