媽咪姐
我看的不是朝偉，是章子怡
2013年01月11日
世間所有的相遇，都是久別的重逢。
呢句王家衞式金句，真係道盡媽咪姐心聲。《一代宗師》籌拍 17年，補拍又補拍，延期再延期，千呼萬喚，終於喺本周二（ 8日）舉行首映禮。
搞咁「久」，你話冇期待就呃你嘅。梁朝偉練到斷手嘅詠春，章子怡剛烈優雅嘅演繹……不過武戲文拍，劇情慢過萬金油，仲有觀眾喺場內大嗌「好悶」，話頂唔順王氏金句喎。
唉，早前大家咪話班高官淨係識「語言偽術」，家嚇俾你哋睇到真正嘅「語言藝術」，你哋又 complain？套戲都有講啦，看的不是招，是意！開宗明義，意境勝過一切。
可能現場觀眾反應麻麻，加上早前北京試映口碑平平，主角梁朝偉選擇留在自己的歲月裏，整晚悶悶不樂，笑又笑得唔開懷。老婆劉嘉玲唔關事，都喺 after party玩到淩晨 4點啦。朝偉？一早兩點幾自動鬆人，「一代宗師」變咗「一代失蹤」。
相反女主角章子怡好活躍，佢嗰件七彩蛇皮裙搶盡風頭，又同導演、張震細聲講大聲笑。
梗係啦，早排佢男友撒貝寧先喺節目上，公開兩人關係，戀情持續升溫。《一代宗師》雖然被插爆，但全城激讚章子怡好戲過偉仔。
功夫兩個字，一橫一直。風騷兩個字，喺曬章子怡塊面度。
編註：紅字乃戲中金句
《一代宗師》必睇位
咪話媽咪姐冇勸你吖，電影節奏真係好慢，但有幾個場口必定唔可以錯過。
張晉有驚喜
章子怡為報父仇，喺雪地上跟蔡少芬老公張晉（小圖）對打。章打得亮麗，身為武指嘅張晉亦交到內心戲，比另一配角張震更搶鏡。
彈多過讚
《一代宗師》搶先喺內地公映，就連章子怡男友撒貝寧（左圖）亦喺微博作新詩支持。可惜吖，人人大讚章子怡表現出色，反而對電影負評較多。只有首映當晚幾位藝人俾面大讚，口碑都算兩極化。
讚
彈
.[忽然1周]我看的不是朝偉，是章子怡
http://veryy8.blogspot.com/2013/01/1_1955.html.[忽然1周]我看的不是朝偉，是章子怡
http://veryy8.blogspot.com/2013/01/1_1955.html
