2013年1月11日星期五

梁烈唯背脊夠硬

2013年01月11日

梁烈唯因對「掌摑事件」發表意見而遭黃浩控告誹謗，唯唯就獲一眾老友、前輩如阿叻及向太等支持。有咁多人喺後面 backup，唯唯終於作出反擊，入稟高院反控告黃浩無理取鬧兼濫用司法程序，要求撤銷指控兼賠償有關損失。

有傳話晶哥本來想簽唯唯十部戲，但因唯唯官司纏身，晶哥怕佢情緒不穩，所以簽約一事暫時 hold住，求證晶哥，晶哥說：「合約係暫時 hold住，睇定啲先！」

有指今次唯唯損失過百萬，難怪佢㷫到要反告黃浩！

拉攏

唯唯一到場，即俾王君馨掹住傾到雞啄唔斷。

搭膊

樂易玲、華哥、三哥夫婦齊齊出席首映，之後更拉埋唯唯影大合照（上圖）。睇嚇華哥，仲搭住唯唯膊頭㖭。原來佢哋係老友嚟㗎。

《古惑仔之江湖新秩序》撞正《一代宗師》，「正」與「邪」相鬥。大家認為邊套跑出呢？