探熱針
死過翻生 餘詠珊堅持己見 查小欣復活無綫
2012年12月20日查小欣幫無綫主持《爆足一周》，節目出街四集，全城鬧爆變「插足一周」，隨即被腰斬，成為無綫史上最短命的節目。
一手策劃該節目的非戲劇製作總監餘詠珊，死心不息，執意一月為老友查小欣再開另一個新節目，雙方已為此開會度橋。
見過鬼都唔怕黑，餘詠珊確實令人「刮目相看」。
捲土重來
原定有十三集的《爆足一周》，十月尾第四集出街後，終於在噓聲中摺埋。但其時餘詠珊已為查小欣「重生」鋪定後路。「俾人鬧得太犀利，所以自己做個了斷，我哋想停一停、諗一諗，再深入了解嚇未來發展路向，同埋要研究將來應該點做，先令觀眾鍾意，等重新包裝過後，出年先再嚟過。」
講得出做得到，餘詠珊上月中為「猝死」的《爆足一周》提出新方案，表明繼續由查小欣做主持，據了解，當時席上有不少反對聲音，更毫不留情，指查小欣是厭惡性人物，再用她做主持，恐怕會惹起全城再鬧爆，衰多鑊。但餘詠珊企硬，聲稱當日節目被圍插，只是捉錯觀眾的口味，與查小欣的表現無關。
「大家都聽到 O曬嘴，當日外間插得最甘嗰個就係查小欣，不過 Sandy（餘詠珊）唔多聽人意見，況且查小欣係佢搵返嚟，又係佢老友，佢出手攬佢好正常。」一名有份開會的幕後人員說。
當日以四萬蚊一集，撮合查小欣與無綫簽約兩年的餘詠珊，已落實明年一月讓《爆足一周》復活，早前更召查小欣返無綫為節目開過一次會。據消息人士透露，新節目換湯不換藥。
「話就話新構思，改頭換面，不過形式同方向無太大改動，咁樣出街，等俾人插。」
呻做替死鬼
讀報當爆料！但查小欣卻周圍向人吐苦水，指自己的表現不至於被鬧爆，純粹因為外間將對餘詠珊的不滿，轉嫁到她頭上，自己做了餘詠珊的替死鬼，代對方食死貓。
另方面，她亦懷疑是當日令她無得留低商台的陳志雲做幕後黑手，唆擺傳媒攻擊她，進一步證明炒魷決定正確。
衰足一年
衰開有條路，服務商台 15年的查小欣，被陳志雲炒魷後轉投無綫主持《爆足一周》，又因口碑太差節目被腰斬，更得罪身邊好友，四面楚歌。
踢出「至八會」
鄭裕玲、曾華倩等人組成的「至八會」，定期有飯局，一班資深女藝人聚埋交流八卦，並有會規講明嚴禁將飯局內容外洩，但查小欣卻違規爆料，令 Do姐不滿，一怒之下將相識廿多年的她踢出局。
蘇永康反面
查小欣為無綫主持節目《爆足一周》，打人情牌邀請蘇永康做嘉賓，在節目中談及他與廖碧兒的緋聞，其間被寸說話有疑點，查小欣的問題又令蘇康踩錯地雷，直認有人借緋聞宣傳，被裝彈弓的蘇康事後大感不滿，甚至拒絕再接聽查小欣電話。
.[壹週刊]死過翻生 餘詠珊堅持己見 查小欣復活無綫
http://veryy8.blogspot.com/2012/12/blog-post_4772.html.[壹週刊]死過翻生 餘詠珊堅持己見 查小欣復活無綫
http://veryy8.blogspot.com/2012/12/blog-post_4772.html
