2012年12月20日星期四

[壹週刊]徐子珊厚皮拉票

信唔信我摑你！（設計對白） <br><br>話埋我食屎狗都得，投我一票！（設計對白） <br><br>徐子珊爭取機會，叫曾志偉以及行政主席梁乃鵬投佢視後一票。

同你吟一吟

徐子珊厚皮拉票

2012年12月20日

今年無綫玩一人一票選視帝視後，唔只觀眾有份參與，無綫上下員工都可以投佢哋神聖一票。為咗成為首個民選視後，本身已經係大熱嘅徐子珊，並冇放軟手腳，趁住上個禮拜二晚（十二月十一日），無綫響電視城舉行一百七十九席盆菜宴，徐子珊進行拉票大行動。

著上全黑運動裝，身上掛住 fans整俾佢嘅彩帶，徐子珊攞住鑲滿閃石大聲公，不斷呼籲：「我係 8號徐子珊，請投我一票。」同議員拉票冇分別，徐子珊除咗向高層埋手，仲「落區」打幕後以及寫字樓班同事主意，甚至教埋點填投票表格。做得出、唔怕認，徐子珊承認面皮厚：「我好大膽，唔怕醜，叫同事上網投我，難得有呢啲機會，拉票不惜工本。」

事隔兩日，徐子珊聯同馬國明陳茵媺等候選人去將軍澳商場出席拉票活動，繼續 keep住個彩帶造型，主動行埋班街坊身邊拉票，老中青幼連 BB都唔放過，通殺。

放大圖片