2012年12月20日星期四

走樣殭屍尹天照

2012年12月20日

呢排傳媒勁煲話只要政府再發免費電視牌照，亞視隨時會執笠。變成社會話題，但想當年亞視套《我和殭屍有個約會》，確實搶走唔少無綫師奶客，可惜泡沫之後，男主角尹天照再冇代表作，○四年仲因為「霸王食 Mango」事件，消失香港娛樂圈。

早兩個禮拜，《壹》仔夜遊銅鑼灣，見到白衫白裙白手袋嘅張文慈，同一位男士並排而行，望真啲，嚇一嚇，原來係尹天照。內地好食好住，四十八歲尹天照打扮「強國」味濃，加上發咗福，下巴肉又墮又鬆，當年戴 color con染金毛嘅況天佑，已經面目全非。

鬆下巴

當年尹天照嘅「況天佑」造型，迷倒唔少師奶 fans，好在「馬小玲」萬綺雯，個樣同條腿唔算太走樣。