2012年12月20日星期四

[壹週刊]車震穀劇謝天華拉鄧梓峰落水

無綫將自己友擺上枱穀收視，被重提同苟芸慧車震嘅謝天華第一時間拉埋傳過「八鄉車震」嘅鄧梓峰落水。

同你吟一吟

車震穀劇謝天華拉鄧梓峰落水

2012年12月20日

為咗加強戰鬥力，無綫除咗 keep住唧師奶眼淚，仲照顧埋口味較重嘅網民，插旗擴大覆蓋面。唔理彈定讚，最緊要有反應嘅策略，唔單只製作用得著，連穀劇都啱使。

上星期五（十二月十四日），新劇《法網狙擊》總動員做宣傳。無綫將幾個月前謝天華、苟芸慧車震劇情再炒一次，由兩位當事人即場示範。當日苟姑娘為車震事件公開喊曬，仲話連自己老豆老母都當真，以為佢喺外面亂搞；如今無綫為咗穀劇舊事重提，自己「親生女」都唔放過。其實活動當日，仲有兩個曾經爆過車震傳聞嘅新聞人物在場，一個係同羅仲謙俾人影到喺車廂疑似曳曳嘅楊怡；而俾人傳喺八鄉，同吳綺莉玩車震嘅嫌疑男主角之一鄧梓峰，更加俾謝天華拉埋落水：「有單（車震）你都有份㗎！」

無綫呢招六親不認，都算絕！

放大圖片