探熱針
手揸 6層樓 張 衞健壓倒許安蘇康
2012年12月20日長期留在內地拍劇的張 衞健，近年因同許志安、蘇永康、梁漢文合組 Big 4，再度活躍，咪以為他冇厘聲氣，其實搵埋唔少，手持物業是 Big 4四子中最多一個。
據地產界消息，張 衞健最近購入嘉亨灣一個市值二千多萬單位，而在此前，已持有的磚頭包括三個嘉亨灣、一個爾登豪庭、歐意花園及維景灣畔，市值共超過六千萬，十個光頭九個富，張 衞健無疑是其中之一。
專吼嘉亨灣
憑《西遊記》打通全國，張 衞健在內地拍劇賺人仔，長做長有，上月與李彩華拍完《五台山抗日傳奇之女兵排》，即返港為農曆年的 Big 4演唱會做籌備。
賺錢換磚頭，地產界近日傳出消息，指張 衞健已拍板購入嘉亨灣一個大單位，市值超過二千萬，十分豪氣。
「 Dicky住緊嘅爾登豪庭係○七年買嘅，嗰時仲未同張茜結婚，而家佢揀樓會揀大單位，方便將來有小朋友，多啲空間活動。 Dicky對嘉亨灣特別情有獨鍾，久不久就去睇樓， check住有乜心水；呢個大單位，佢睇咗兩次好鍾意，拍板就買！」張 衞健身邊人說。
因為 Big 4再度於本地樂壇翻生，先後開了十二場香港及世界巡迴，加埋明年二月的七場騷，又賺一筆，但論手上物業，張 衞健絕對跑贏其餘三人。
據土地註冊署資料顯示，張 衞健在過去兩年（一○年至一一年），連掃四個物業，包括三個嘉亨灣及一個維景灣畔。
「其實 Dicky以前都唔係咁夠膽，佢同朋友成日講話九七年買咗樓之後即刻大冧市，蝕得好甘，之後提起買樓，佢都怕怕，寧願揸現金！」
十五年未回本
九七年，張 衞健以一千一百八十萬買入上水歐意花園後，即遇上股災，層樓一跌唔見咗三分二，他一直唔放自住，死守十五年，至今仍未翻本。
「 Dicky好照顧屋企人，依家歐意花園層樓都係俾媽咪同細佬住，另一個細佬就住維景灣畔。」
直至近幾年，張 衞健眼見身邊不少好友在樓市賺唔少，才放下戒心，再買磚頭。
「佢有請教啲買樓高手，亦好明白揸現金只會一路貶值，兩年前開始佢再入市，仲先後買咗三個嘉亨灣單位，舊年就同許安、蘇康一齊入市買樓，佢哋班沙煲兄弟，經常有交換心得。」知情者說。
一枝獨秀
Big 4四子識於微時，亦各有際遇，但以手上物業計，在內地密執的張 衞健一枝獨秀，而試過冇錢供車要靠老友接濟的梁漢文，至今依然百冇！
.[壹週刊]手揸 6層樓 張衞健壓倒許安蘇康
http://veryy8.blogspot.com/2012/12/6.html.[壹週刊]手揸 6層樓 張衞健壓倒許安蘇康
http://veryy8.blogspot.com/2012/12/6.html
