2012年9月8日星期六

[忽然1周]唱片公司高層封殺　陳法拉靠老公穀銷量

靠你嘞，老公！（設計對白） <br><br>收到！（設計對白） <br><br>法拉自從成為薛世恒嘅女人後，氣燄愈大，不惜與唱片公司高層 Herman撐到行。

娛聞樂

唱片公司高層封殺　陳法拉靠老公穀銷量

2012年09月07日

陳法拉兩年前簽「星煥娛樂」做歌手，今年七月終於推出處女新碟《 Beautiful Life美麗人生》，一償歌手夢。近年升格無綫一線花旦的她，以為唱歌拍劇雙線發展，可惜新碟累積銷量截至 8月底只有三百張，令她甚為不滿。

新碟仆直，她歸咎唱片公司宣傳不足，更曾三度向樂易玲投訴唱片公司高層何哲圖（ Herman）沒足夠宣傳，希望逼他為自己穀碟。可惜 Herman受軟唔受硬，反而下令放棄陳法拉，搞到她急急搵「老公」薛世恒出馬，一星期之內，把新碟銷量穀高三倍至一千張。

放大圖片

唱片公司唔幫自己宣傳，陳法拉惟有自薦上森美遊戲節目《千奇百趣東南亞》。

因「老公」薛世恒是 Neway太子爺，陳法拉兩年前簽約 Neway旗下公司「星煥」出碟做歌手。可惜「星煥」最後由薛世恒胞弟薛世麟掌管，兩兄弟因老婆陳法拉與諸葛紫岐罵戰，關係變差，面和心不和。

而法拉自從簽「星煥」以來，自恃半個老闆娘，非常有性格，首次出碟已經想玩另類。但鑑於薛世恒失勢， Herman當然冇面俾，加上陳法拉為人心直口快，因為大碟宣傳多次與 Herman爭拗，兩人關係變得惡劣。

責宣傳不足

七月尾，法拉推出新碟後，首個月新碟銷量只有三百張，令她深感不滿，覺得唱片公司宣傳不足，並向 Herman投訴。「法拉好火，佢同 Herman講，話以自己知名度隻碟冇理由賣得咁差，仲話出碟以來只做過一次電台訪問同一次記招，又責怪對方揀歌唔掂。」知情者說。

放大圖片

陳法拉早幾年在《有營煮婦》（左）時露 bra穀收視，不過近日拍《衝上雲霄 2》時卻要求借位拍接吻戲，明顯變得錫身。

放大圖片

篤背脊篤出禍

放大圖片

Herman對鍾嘉欣愛護有加， 08年在勁爆頒獎禮慶功宴，就將嘉欣摟到實一實。

拉法仲三度致電愛錫自己的 TVB製作資源部總監樂易玲，投訴 Herman。「其實樂小姐最初都唔想多事，但佢係咁打嚟，樂小姐都頂唔順，卒之打俾 Herman了解件事。 Herman梗係嬲啦，覺得法拉咁樣打小報告好唔俾面，於是下令封殺法泣，仲同人講唔會再同佢續約。」知情者說。

被辣㷫的 Herman，還夾埋在 TVB掌管綜藝科的老婆餘詠珊，聯手打壓法拉，所以法拉雖然係無綫力捧花旦，但一樣冇得上綜藝節目唱歌，她惟有自薦上遊戲節目增加曝光率。法拉今次篤背脊可謂篤出禍。

據知， Herman已下令但凡有人找陳法拉工作都唔接，並轉為力 sell其愛將鍾嘉欣。陳法拉得知被「封殺」後，惟有親自出馬，自薦上 TVB的各大節目接受訪問及玩遊戲，盡力曝光穀新碟。

「法拉最初對新碟銷量甚有信心，但賣了近一個月，新碟銷量只有三百張，惟有向老公投訴。上星期開始，法拉新碟突然有 fans大量買入，累積銷量忽然急升三倍至一千張，明眼人一睇就知有人背後掃貨啦！」知情者說。

被「投訴」的 Herman則說：「我都有同法拉傾電話，佢啱啱由外地返嚟，依家忙緊拍劇。（嚟緊有無唱片宣傳？）佢要開劇，冇時間做宣傳。（法拉要自薦上節目宣傳自己張碟喎？）都係個別例子，唔係太多，可能節目聯絡經理人部門。（據聞法拉張碟嘅銷量喺上星期內由三百升至一千？）隻碟一直都係穩定上升。」

拍接吻戲要借位

唱片銷量差，陳法拉連新劇《衝上雲霄 2》都是非多多。據知，陳法拉開劇以來訂立不少規條，既要監製加戲，令自己的戲份與第一女主角胡杏兒平起平坐。身為人妻的她，為免老公唔開心，堅持接吻戲要借位，又拒接太早及太晚的通告，令劇組人員非常頭痛。

其實，早幾年陳法拉為博上位，不惜被郭政鴻「推油」，又在《有營煮婦》中露 bra穀收視。不過自從泊了好碼頭，她忽然變得錫身，更向樂易玲要求多多。

求證樂易玲，法拉曾向她投訴 Herman，她說：「冇聽過。（法拉自薦上節目？）冇，佢係一線花旦，好多監製都想搵佢啦，只不過佢有另一個歌手身份。（佢拍劇要求借位 kiss？）肯定冇，佢又唔係未拍過（指 kiss戲），不過，都要適當至加呢啲戲。」